بامیان ولایتینینگ ورس تومنی اطراف محیطنی سقلش فعاللری اوشبو تومن بوریلرینی آوولنیشیدن خواطر بیلدیریب ایتیشیچه، مذکور تومن یشاوچیلری اوتگن ایکی آی ارهسیده 12دن کوپراق بوری نی آوولهگنلر. سلاموطندارگه صحبت بیرگن ورس تومنی فعال لریدن محمد امین دانشیارنینگ اییتیشیچه، یاوایی حیوانلراینیقسه بوریلرنی آوولش دوامی بار.
اوشبو محیطنی سقلش فعالینینگ ایتیشیچه، مذکور تومن امنیتی مسوولری یاوایی حیوانلر و قوشلرنی آوولنیشی اوچون هیچ قندی اقدام قیلمهگن.
بیراق، بامیان ولایتی اطراف محیط نی سقلش ادارهسی حیوانلروقوشلرنی آوولش یساقلنگن و هیچ کیمنی یاوایی حیوانلر و قوشلرنی آوولشگه حقی یوق دیدی.
بامیان محیطنی سقلش ادارهسینینگ باشلیغی محمد ابراهیم دادفرنینگ ایتیشیچه، اوشبو ولایت ایرم منطقهلرنینگ یشاوچیلری یاوایی حیوان و قوشلرنی آوولی دیلر و بولردن بیرقسمی مملکت تشقریسیگه قاچاق بولهدی.
اونینگ کوپیتیریشیچه، بامیان محیطنی سقلش ادارهسی یاوایی حیوان وقوشلرنی آووچی و قاچاقچیلریگه قانون یوزیدن جزا بیرهدیلر.
بامیان ولایتی کوهستانی منطقهلردن دیر، اطراف محیط تدقیقچیلری اوشبو ولایت نینگ ایرم منطقهلرینی یاوایی حیوان واوسیملیکلر اوچون اویغون ییر دیب بیلهدی.
یاوایی حیوانلر و اینیقسه بورینی آوولنیشی بیلن نیچه کون آلدین محیط نی سقلش ادارهسی 11 حیوان و اوسیملیک تورینی قیزیل رویخط گه کوپیتیرگن ایدی.
