جمیله حیات محنتی و قیینچلیگی باعث بیر دنیا امید و ایستک بیلن عایلهسی بیلن پاکستان تامان یول آلیب مهاجر بولگن. اونینگ ایتیشیچه، پاکستان توغریسیده هیچ قندی معلوماتی یوق ایکن و برچه معلوماتی ییگولیک ماده ارزانلیگی گه خلاصه بولهدی ایکن.
جمیله پاکستانده مهاجر بولگنینی حیاتینینگ اینگ یمان کونلری صفتیده ایسلهب ایتیشیچه، او پیتده چارهسیزلیک نی حقیقی معناسیده حس قیلگن. اونینگ ایتیشیچه، ایرتهدن آقشام گچه و آقشامدن ایرته گچه بیر لقمه نان تاپیش اوچون قتیق حرکت قیلهدی ایکن، بیراق آی نینگ آخریده دسترخوانلریده بیر آز اوزگریش کیلمیکن.
شونینگدیک جمیله آنهسی گلدستهنینگ ایتیشیچه، کیچهلر آچ یاتیب و مینگ قیینچیلیک بیلن کیچه-کوندوزلرینی اوتکزگنلر. گلدسته عایلهسی بیر اویدن باشقه بیر اوی گه کوچیش چاغیده مهاجرلرگه یشش جای و ایش تاپیب بیرهدیگن بیر ایرکک بیلن تانیشهدی. مذکور کیشی گلدسته عایلهسی نینگ قالین توقیش گه مجبورلنتیرهدی، بیراق پول نینگ کوپینچهسینی اوزی آلیب و بیر آزی نی اولرگه بیرهدی ایکن. اوشبو وضعیت ییللرچه دوام تارتهدی و کیمسه اولرنینگ سیسی نی ایشیتمهیدی.
غزنی ولایتینینگ مهاجرلر ریاستی باشلیغی عبدالخالق احمدی نینگ ایتیشیچه، جاری ییل نینگ باشلنگنیدن حاضرگه قدر 500 دن آرتیق مهاجر تورلی مملکتلردن غزنی گه قیتگن و اولر یمان اقتصادی وضعیت گه حیات کیچیرهدیلر. اونگه کوره، محلی اداره و باشقه نهادلر تامانیدن مذکور عایلهلرگه یاردم ییتکزیلگن بیراق اوشبو یاردملر ییترلی ایمس دیر.
شونینگدیک غزنی حاکمی سوزلاوچیسی محمدعارف نوری نینگ ایتیشیچه، غزنی ده قیتگن کوپینچه مهاجرلر یمان اقتصادی وضعیت گه حیات کیچیرهدیلر و اولرگه ایش زمینهسی یرهتیلگونگه قدر قیینچیلیکلری یکونلنمهیدی.
غزنیده خلق ارا مهاجرت تشکیلاتی ((IOM مسئوللرینینگ ایتیشلریچه، اولر حربی ایشلاوچیلری، مهاجرلر ریاستی ایشلاوچیلری و مدنی فعاللر گه انسانی قاچاقی دوسیهلرینی تانیشی توغریسیده تعلیمات بیرگنلر.
غزنیده مذکور تشکیلات ایشلاوچیلریدن انعامالله کوهرنینگ سلاموطندارگه ایتیشیچه، اوشبو ولایتده حاضرگه قدر ایران و پاکستانده قاچاق ایتیلگن 300 دن آرتیق باله تانیلگن و حاضر خلق ارا مهاجرت تشکیلاتی نینگ حمایتی آسیده قرار تاپگن.
مهاجرلر قاچاقی و انسان قاچاقی قربانیلریگه یاردم بیریش ملی میکانیسم (NRM)، افغانستان دولتینینگ مهاجرلر قاچاقی و انسان قاچاقیگه قرشی کورهش یوکسک کمیسیونی تامانیدن تیارلنیب و تصدیقلنگن. اوشبو میکانیسمدن مقصد انسان قاچاقی و مهاجرلر قاچاقی قربانلریدن حمایت قیلیب و اولرگه یاردم بیریب و شونینگدیک، قاچاقچیلرنی تانیب قضایی ادارهلریگه تانیشتیریب (2017- ییل مصوبهسی) انسان قاچاقی گه قرشی کورهش قانونی اساسیده، دولت و دنیاجماعهچیلیگیگه یولچیلیک قیلیش بولگن.
شو توغریده:
- قاچاق یولیدن ایران تامان یول آلگن ییگیت نینگ حکایهسی
قاچاق یولیدن ایران بارگن کنریلیک ییگیتنینگ حکایهسی
انسان قاچاقی؛ بیگارلیک، قیناق و آغیر ایشلردن سونگ، صفرگه قیتگن ییگیتنینگ حکایهسی
انسان قاچاقی؛ ییتتی آی بیگارلیک قیلیب مملکتگه بوش قیتگن کیشینینگ حکایهسی
مهاجرلر قاچاقی و انسان قاچاقی قربانلریگه یاردم بیریش ملی میکانیسم (NRM) نینگ 9- مادهسیده کیلیشیچه، انسانی قاچاق و مهاجرلری قاچاقی نینگ قربانیلری و اولرنینگ عایلهلری قوییده کیلگن مادهلر اساسیده حمایت بولهدیلر.
- تخصصی خذمتلر ترقهتیلیشی بیلن ( ساغلیک، روانی، حقوقی مصلحتلر، معیشیتی، اورگهنیش و یشش) انسانی قاچاق و مهاجرلر قاچاقی گه تیگیشلی بولگن دوسیهلرنینگ جریانیدن قربانیلرگه معلومات بیریش.
- انسانی قاچاق و مهاجرلر قاچاقی قربانیلرنینگ عایلهلریگه تینچ و ساغیلکلریدن ایشانچ بیریش.
- انسانی قاچاق و مهاجرلر قاچاقی قربانیلری نینگ دوسیهلرینی سقلهنیشی توغریسیده اولرگه ایشانچ بیریش.
- انسانی قاچاق و مهاجرلر قاچاقی قربانیلری نینگ شبههلی و مجرم صفتیده جنایی تدقیقات اوچون آزارلنتیرمس.
- انسانی قاچاق و مهاجرلر قاچاقی قربانیلری نینگ قانونی ایستکلریگه حرمت بیریش.
انسانی حقلر فعاللری تامانیدن زمانوی بردهلیککه تشبیه بولهدیگن انسانی قاچاق دنیانینگ کوپینچه مملکتلردن قربانی آلگن. ایش بیلرمانلرنینگ ایشانچی گه کوره، افغانستانده اوشبو پدیده گه قرشی کورهش اوچون کوپینچه سعی و حرکتلر بولگن و اوشبو حرکتلر ایجابی نتیجه بیرگن.
