دولتنینگ حادثهلرگه قرشی کورهشیش ایشلری بوییچه وزیری و بیرلشگن ملتلر تشکیلاتی ماین تازهلش مرکزی؛ ماینلرنی ضررسیزلشتیریش لایحهسینی بوگون کابلده باشلهدی.
حکومتنینگ طبیعی حادثهلرگه قرشی کورهشیش دولت وزیرلیگینینگ یوقاری مرتبهلی رسمیلری، مملکت نینگ 70% بوتونلی ماینلردن تازهلنگن لیگی بارهسیده خبر بیریشگنلر.
افغانستانده بیرلشگن ملتلر تشکیلاتینینگ انسان پرورلیک یاردملرینی ییتکزیب بیروچی ادارهنینگ مسوولی مارک باودن، بی می تی هر بیر ساحهده افغانستاننی حمایت قیلگنلیگینی ایتگن. او، بو مرته بیرلشگن ملتلر تشکیلاتینینگ تیگیشلی ادارهسی افغانستان بوتونلی مایندن تازهلهنیشی اوچون اوز کومک و همکارلیگیگه دوام ایتیریش اوستیده تاکیدلهگن.
جناب باودن، بیرلشگن ملتلر تشکیلاتی 2023- ییلگه قدر افغانستان ییر بوتونلیگی عموماً مایندن تازهلهنیشی حقیده تاکیدلهگن. لیکن، باودن، بو نیتگه ایریشیش اوچون دنیا جماعه چیلیگینینگ اولکن همکارلیک قیلیشی ییریک احتیاج دیگن.
شونینگدیک او، دنیا جماعهچلیگی بو بولیم ده افغانستان حکومتینی یالغوز قالدیرمسلیک نی تیلگه آلگن.
باشقه تاماندن حکومتنینگ دولت ایشلری بوییچه وزیری ویس احمد برمک بوگون ماینلرنی ضررسیزلشتیریش خلق ارا کونی مناسبتی بیلن اوتکزیلگن ییغینده نطق سوزلب، هر آیده مملکت ده 112 انسان ماین پارتلشی نتیجهسیده قربان بوله دی دیگن.
جناب برمک، هنوزگچه مملکت نینگ 77% توپراغی ماینلردن تازهلنگن لیگینی بییلدیرگن.
شونینگدیک جناب برمک، هنوز هم مملکتنینگ کتّه قسمی ده ضررسیزلنتیریلگن ماین موجودلیگینی رد قیلمهگن و مذکور منطقهلر مایندن تازهلهنیشی اوچون دنیا هم جمعیتی نینگ همکارلیگیگه ضرورت بارلیگی اوستیده تاکیدلهگن.
عین حالده، حکومتنینگ دولت ایشلری بوییچه وزیرلیگی رسمیلری، ماینلرنی ضررسیزلنتیریش ادارهسی ملازملریگه قرشی 258 مرته هجوم اویوشتیریلگن لیگینی ایتگن. بو حادثهلرده مذکور ادارهنینگ 88 کیشی قربان بولیب و 128 ته سی ایسه جراحت آلگنی تصدیق لنگن.
