.jpg)
پران ولایتیده 200 یاتاقلیک ملکی کسلخانهنی ایشی 1394- ییلده 276 میلیون افغانیدن آرتیق خرجت بیلن باشلنگن ایدی، بیراق بو پروژه حاضرگهقدر فایدهلنیشگه تاپشیریلمهگن. پروان ولایتی کینگشی، بوندهی بیر کسلخانه موجود بولیشینی مذکور ولایت یشاوچیلرینینگ اساسی نیازلریدن بیری بیلیب ایتیشیچه، اوشبو کسلخانهنی قوریلیش جریانیدن پروان ولایتی کینگشینینگ نظارتیگه قرهگنده، بو پروژهنی ایشی تیزلیککه آلغه آلیب باریلمهیدی.
پروان ولایتی کینگش باشلیغی غلام بهاءالدین جیلانی، مملکت ساغلیقنی سقلش وزیرلیگیدن پروان 200 یاتاقلیک ملکی کسلخانه سرنوشتینی بیللی قیلیشینی سورهگن.
عینحالده، پروان ساغلیقنی سقلش اداره باشلیغی داکتر عبدالخلیل مصدقنینگ ایتیشیچه، اهالینینگ قوروچی شرکت اوستیگه فشار کیلتیرگنیدن سونگ، مذکور شرکت کیلسی ییل کوکلم موسومی گهقدر بو کسلخانهنینگ قوریش ایشینی یکونلنتیریشیدن وعده بیرگن.
.jpg)
بیراق قوروچی شرکت مسووللرینینگ ایتیشیچه، ساغلیقنی سقلش وزیرلیگی بیلن امضا ایتیلگن کیلشونامهگه کوره، مذکور پروژه 276 میلیون افغانی هزینه کوتاریب و 5 ییل جریانیده قوریلهدی.
اوشبو شرکت مسوولی نوید نوری بگراموالنینگ سلاموطندارگه ایتیشیچه، ساغلیقنی سقلش وزیرلیگیده ایترلیچه بودجه بولمهگنی سبب، بو کسلخانه ایشی یکونلنمهگن. جناب نورینینگ پروان ساغلیقنی سقلش مسوولی سوزلریگه قرشی کیلیب ایتیشیچه، مذکور کسلخانهنینگ قوریش ایشینی 1398- ییل دلو آی گهقدر یکونلنیشی ممکن.
پروان 200 یاتاقلیک ملکی کسلخانهنینگ اروپا استندردلری بیلن چاریکار شهریده قوریلیشی ممکن. عینحالده، ییلده کابینه وزیرلریدن بیرقطاری کینگیتیریش بودجهنی صرفلنمهگنی سبب نمایندهلر کینگشی تامانیدن استیضاح ایتیلهدی بیراق شونینگدیک منفعتلی پروژهلرنینگ بودجه یوقلیگی باعث کینگه قالیشی قطار سوراقلرنی اورتهگه چیقارهدی.
