افغانستان بوییچه انسان حقلری ایرکین کمیسیونی «افغانستانده هر تورلی نژادی تبعیض آلدی آلینیش کنوانسیونینینگ تطبیقاتینی تیکشیریش» نامیده اوتکزگن ینگی تدقیقاتیدن قولگه کیریتگن معلوماتلرینی بوگون کابلده نشر قیلدی.
اوشبو تدقیقات گه کوره، افغانستانده جوگیلر کیملیک آلیشگه حقلی ایمس دیر.
انسان حقلری ایرکین کمیسیونی مسؤوللری نینگ ایتیشیچه، نارسمی رقملرگه کوره، افغانستانده چمهسی 13 مینگ جوگی تیریکچیلیک قیلهدی.
انسان حقلری ایرکین کمیسیون باشلیغی سیما سمرنینگ ایتیشیچه، اولرنینگ ینگی تدقیقاتیدن قولگه کیریتیلگن معلوماتلر اساسیده، افغانستان جوگیلری کیملیک آلیش گه حقلی ایمس دیر و بو موضوع اولرنینگ حقی ده اینگ کته تبعیض سنلهدی.
خانم سمرگه کوره، جوگیلر تورت نسلدن آرتیق افغانستانده یشهیدیلر و اساسی قانون نقطهی نظریدن اولرگه کیملیک بیرمسلیک تبعیض کورینهدی.
اوشبو تدقیقاتده 3 مینگ و 498 کیشی بیلن صحبت اوتکزیلگن و بو آرهدن 25.4% تبعیض گه دوچ کیلگنلرینی ادعا قیلگن، 73.1% تبعیض گه دوچ کیلمهگنلرینی بیلدیرگن و باشقه 1.5% هیچ قندهی جواب بیرمهگن.
مملکت 34 ولایتیدن مذکور تدقیقاتده اشتراک قیلگنلرنینگ 60% ایرکک و باشقه 40% عیال ایکن.
اوشبو تدقیقاتده مذهبی، نژادی، تیل، ساغلیق خذمتلرگه قول تاپیش، تحصیل و عدالت، کینگیتیریش برنامهلرنینگ عملگه آشیریلیشی و ایشگه استخدام قیلینیشده بولگن تبعیضلر تیکشیریلگن.
نژادی تبعیض بولیمیده، مصاحبه قیلگنلردن 31% نژادی تبعیض روپهره بولگنینی بیلدیرگنلر و باشقه 68% اولرگه قرشی نژادی تبعیض صورت تاپمهگنینی ایتگنلر.
مذهبی تبعیض بولیمیده، تدقیقاتده اشتراک قیلگنلردن 17% تبعیض بولگنیدن تنقید قیلگنلر و باشقهلری ایسه بو توغریده تبعیض یوقلیگی نی ایتگن لر.
اوشبو تدقیقاتده اشتراک قیلگنلر جملهسیدن 28% تیل تبعیضیگه روپهره بولگنینی بیلدیرگن و باشقه 70% بو توغریده تبعیض یوقلیگی نی ایتگنلر.
شوتوغریده…
