نمایندهلر کینگشی و تومنلر کینگشی سیلاولری اوچون آواز بیرووچیلرنی رویخطگه آلیش زمانی ینه بیر آی چوزیلدی.
بوگون کابلده خبری ییغین اوتکزگن سیلاولر ایرکین کمیسیونی باشلیغی گلاجان بدیع صیادنینگ ایتیشیچه، اهالی قانونی حقلریدن فایدهلنیش اوچون آواز بیرووچیلرنی رویخطگه آلیش زمانی ینه بیر آی چوزیلهدی.
جناب صیادنینگ معلوماتی گه کوره، بوتون مملکتده آواز بیرووچیلرنی رویخطگه آلیش 87 مرکزی امنیتی تهدیدلر باعث یاپیلگن و بونگه قرهمهی حاضرگهقدر بوتون ولایتلرده 1.500.848 کیشی رویخطگه آلینگن.
سیلاولر ایرکین کمیسیونی باشلیغینینگ ایتیشیچه، آواز بیرووچیلرنی رویخطگه آلیش یالغیز نمایندهلر کینگشی و تومنلر کینگشی سیلاولری اوچون ایمس، بلکیم جمهورلیک ریاستی و ولایتی کینگش سیلاولری هم شامل بولهدی.
اونینگ کوپهیتریشیچه، کمیسیون تنیق و ساختهکارلیکدن اوزاق بیرسیلاونی یولگه تشلهش اوچون حرکت قیلهدی و شونینگدیک حکومت رویخطگه آلیش و آوازبیریش مرکزلرنی خوفسیزلیگینی تامینلنیشی حقیده، کوپینچه سعی و حرکت قیلیشی کیرهک.
عینحالده اوشبو لایحه باشلهنیشیدن بویان آوازبیروچیلرنی رویخطگه آلیش مرکزی طالبان هجومی آستیده آلینگن. بیرلشگن ملتلر تشکیلاتی بوگون بیرگزارش ترقهتیب ایتیشیچه، رویخطگه آلیش لایحهسی باشلهنگنیدن بویان مذکور مرکزلرده بولگن هجوملر اوچون کمیده 271 کیشی هلاک و یا تنجراحت آلگن.
صیاد جنابلریگه کوره، استیکرلرنی ساختهکارلیک قیلیش، بولرنینگ کته قینچیلیکلریدن بولیب و اولر بو مسلهنی رسمیلرگه ییتیشتیرگنلر. اونینگ کوپهیتیریشچه بو قینچیلیکنی ییچیش اوچون بیرگروه تعیین ایتیلگن.
آواز بیرووچیلرنینگ رویخطگه آلیشنی بیرینچی باسقیچی 23- ثور گچه یکونلهنیشی و ایکینچی باسقیچی شهرلرنینگ مرکزلریده 25- ثور دن باشلهنیشی گه قرار قیلینگن ایدی، بیراق حاضر سیلاولر کمیسیونینینگ قراری اساسیده، آواز بیرووچیلرنینگ رویخطگه آلیش ولایتلرنی مرکزلریده 23- جوزا گچه دوام ایتهدی.
