فاریاب ولایتی نینگ بلچراغ تومنی یشاوچیلریدن بیرقطاری نینگ ایتیشیچه، ملی اردو عسکرلریدن بیری اوتگن "شنبه" کونی اوشبو ولایت نینگ بلچراغ تومنیده 7 یاشر بیر قیزنی جنسی زورلگن.
بلچراغ تومنی یشاوچیلریدن بیری ملامحمد نینگ سلاموطندارگه ایتیشیچه، بوگون "یکشنبه" محل یشاوچیلری ملی اردو عسکرلریگه قرشی اعتراض بیلدیریب جنسی زوروانلیککه عیبلنگن عسکرنی اولرگه تاپشیریشلرینی ایستهگنلر.
ملامحمد نینگ ایتیشیچه، محلی اردو عسکرلری اعتراضچیلرگه قرشی اوق آتگن و نتیجهده اعتراضچیلردن 4 تهسی یرهلنیب و 1 پولیس هلاک ایتیلگن.
عینحالده، 209 شاهین قول اردو قومندانلیگی نینگ بیرینچی لوا قومندانی انصافالله دولتزی نینگ بو واقعهنی تصدیقلب ایتیشیچه، اوشبو جنایتنی انجام بیرگن عسکر اوچاق آرقهلی، انتقال بیریلیب و جزالنتیریلیشی اوچون دوسیهسی عدلی و قضایی نهادلرگه تاپشیریلهدی.
