نابرابرلیککه قرشی کورهش خلق ارا کمپاینینینگ سونگی کونیده افغانستان بوییچه فعالیت قیلهدیگن مدنی ادارهلردن بیرقطارینینگ ایتیشیچه، مملکت اهالیسیدن کوپینچهسی قیشلاقلر و شهرلرده کمبغللیک و قشاقلیککه دوچار بولیب قالگنلر.
اولرگه کوره، فساد، زوروانلیک و ایچکی اوروشلر باعث، مملکتده نابرابرلیک و کمبغللیک میزانی آشگن و افغانستان ایسه قویی نابرابرلیکدن اورته اورین گه چیققن و بو موضوع خواطرلی دیر.
افغانستانده «جنوبی آسیانینگ برچه اوچون عدالتلی قیلینگ» نامیده یولگه قوییلگن نابرابرلیککه قرشی کورهش خلق ارا کمپاینی توغریسیده مدنی فعال نجیبه ایوبینینگ ایتیشیچه، اوشبو کمپاین جنوبی آسیا مملکتلری اینیقسه افغانستان دقتینی یشاوچیلرنینگ تیریکچیلیگیده یوز بیرهدیگن قرهمه قرشیلیکلر خصوصیده چیکیش و کمبغللیکنی یوق قیلیش و نابرابرلیککه قرشی کورهش اوچون مدنی گروهلرنی توپلش نیتده یولگه قوییلگن.
اونگه کوره، میلادی 1980- ییلدن 2015- ییلگچه افغانستانده نابرابرلیک قویی ایکن و میلادی 2015- ییلدن سونگ نابرابرلیکنی میزانی آشیب و اورته درجه گه ییتیشگن.
باشقه تاماندن، افغان عیاللر ترماغینی اعضاسی روشن مشعلنینگ ایتیشیچه، اولر جنوبی آسیا بیرلشمه دفترینینگ همکارلیگیده کمبغللیکنی یوق قیلیش یا-ده SAAPE اوچون جنوبی آسیا دولتلری اینیقسه افغانستان حکومتینینگ دقتینی چیکیش خصوصیده، سعی و حرکت قیلهدیلر.
شو توغریده…
- افغانستانده 13 میلیون کیشی قشاقلیکده حیات کیچیرهدی
افغانستانده ایشسیزلیک و جمعیت کوپهییشی سبب، کمبغللیک کوپهیگن
اونینگ کوپهیتیریشیچه، یشاوچیلر برابر شکلده ییگولیک آذیق-آوقت، سوو، باشپناه و اورگهتیش و تربیهلشگه قول تاپیشی حکومتلرنینگ اساسی نیازلریدن سنلهدی و بو خصوصده دقت قیلینیشی کیرهک.
عین حالده، مدنی جماعهچیلیک اعضالری، آلتی مادهلیک بیر شرطنامه صادر قیلیب افغانستان حکومتیدن ثروتمندلر و قالگن اهالینینگ آرهسیده بولگن فرقلرنی کمهیتیریش، عیاللرگه قرشی تبعیض آلدی آلینیشی، عیاللرنینگ ایش حقی بیریلیشی، عیاللرنینگ اویده قیلهدیگن ایشلری ایش حسابی گه آلینیشی، قانونلر عملگه آشیریلیشی خصوصیده، دایماً نظارت قیلینیشی، دموکراتیک حقلردن حمایت قیلینیشی و نابرابرلیکلرگه قرشی کورهش خصوصیده، مدنی ادارهلردن حمایت قیلیب و دقت قیلیشینی طلب قیلگن.
