تخار ولایتینینگ خواجه بهاوالدین تومنی شور توغی منطقهسی یشاوچیلریدن یوزلرچهسی اینیقسه سونگی سوو تاشقینلریدن زیان کورگنلر، بوگون ناراضیلیک نمایشگه قول اوریب خواجه بهاوالدین تومنینینگ تخار مرکزی تالقان شهری کیلهدیگن جادهسینی باغلهگنلر.
اعتراضچیلرنینگ ایتیشیچه، اولرگه مرکزی حکومت دقت قیلمهگنی باعث، ناراضیلیککه قول اورگنلر. بیراق حربی کوچلر خواجه بهاوالدین تومنیدن تخار مرکزی تامان کیتهیاتگن چاغیده، اولر تامانیدن اوتیشگه رخصت بیریلمهگن و بو ناراضیلیک زورهوانلیککه تارتیلگن و حربی کوچلر تامانیدن آتیلگن اوق نتیجهسیده، اعتراضچیلردن 4 تهسی یرهلنگن. بو حادثه اعتراضچیلرنینگ رقمی کوپهییشی و ناراضیلیک تحصن خیمه قوریلیشی گه سبب بولگن.
اعتراضچیلردن ایکی کیشی باسط و ذبیحالله نینگ ایتیشیچه، یشاوچیلرنینگ ناراضیلیکلری، سوو تاشقینلری و باشقه طبیعی حادثهلردن چیققن زیانلر برابریده حکومتنینگ دقت سیزلیگی اولرنی امیدسیز قیلگن.
سلاموطندارگه صحبت بیرگن تخار حاکمی سوزلاوچیسی سنتالله تیمور، اعتراضچیلرنینگ ایستهگی حق دیب ایتیشیچه، حکومت تامانیدن بیر هیأت یوباریلگن و بو هیأت اهالی بیلن اولتیریب و اولرنینگ ایستکلرینی ایشیتهدی.
اعتراضچیلرنینگ سانلری کوپهیگنی دن سونگ، ایستکلریدن باشقه بیری کوکچه اطرافیدهگی تومنلرنینگ جادهلری قیر قیلینیشی بولگن. بونگه قوشیمچه، اولر تخار حاکمی سوزلاوچیسینینگ ادعاسینی رد قیلیب ایتیشیچه، حاضرگچه حکومت تامانیدن اولرنینگ آلدیگه هیچ بیر هیأت کیلمهگن.
