.jpg)
جوزجان ولایتی نینگ مینگجیک تومنیدن بدرغه بولیب شبرغان شهری گه کیلگن عایلهلردن بیرقطاری نینگ ایتیشیچه، طالبان گه عشروزکات بیرمهگنلری باعث، مذکور گروه تامانیدن زوردن کوچیریلگنلر.
جوزجان ولایتی نینگ تومنلریده آتلری فاش ایتیلیشینی ایستمهگن محلی و مردمی منبعلردن بیرقطاری نینگ سلاموطندارگه ایتیشیچه، پاکستانلیک جنگریلردن بیرقطاری، بیر هیأت ییتکچیلیگیده مذکور ولایت تومنلری نینگ اهالیسی دن عشروزکات توپلش گه مسؤول دیر و عشروزکاتلرینی تیزلیککه توللمهگن یا-ده توللش دن باش تارتگن عایلهلر، قیناققه سالینیب و زوردن کوچیریلهدی.
اولرنینگ ایتیشیچه، طالبان گروهی مینگجیک اهالیسی نینگ اوستیگه آیلیک نقد پول توللش و اوچ وقت ییمک بیریشنی تحمیل قیلگن و بو موضوع دن باش تارتگنلر اویی نی ترک قیلیشگه مجبور بولهدی.
مینگجیک ولسوالی مطیعالله احسان نینگ ایتیشیچه، طالبان گروهی مذکور تومندن 300 عایلهنی زوردن کوچیرگن و کوچیریلگن عایلهلر حاضر بلخ ولایتی و جوزجان مرکزیده حیات کیچیرهدیلر و شونینگدیک، بو جریان دوام ایتماقده.
جوزجان ولایت کینگشی اعضاسی محمدشریف شریفی نینگ ایتیشیچه، طالبان گروهی اهالیدن توپلگن پولنی پاکستاندهگی کویته کینگشی گه یوبارهدی.
اوشبو موضوع نی تصدیقلگن جوزجان پولیس قومندانی عبدالواحد وجدان نینگ ایتیشیچه، کویته کینگشی جوزجان اهالیسی دن نقد پول و عشروزکات توپلش اوچون بیر کمیسیون ایجاد قیلگن و توپلنگن عشروزکات پاکستاندهگی کویته کینگشی گه یوباریلهدی.
بیراق، طالبان گروهی سوزلاوچیلریدن بیری ذبیحالله مجاهد، بو بیاناتلرنی رد قیلگن.
شو توغریده…
