هرات ولایتی نینگ شالبافان منطقهسیده بیرکیشی خاتینی و قینانهسینی اوق بیلن آتیب اولدیرگن. محلی رسمیلر حادثه عاملی عایلهوی خشونتلر بولگنلیگینی تصدیقلیدی.
هرات حوزهیی کسلخانه سوزلاوچیسی محمدرفیق شیرزی نینگ سلاموطندارگه ایتیشیچه، قاتلنی خاتینی و قینانهسی 20 و 40 یاشده بولگنلیگی معلوم قیلینگن. جناب شیرزی نینگ معلوم قیلیشیچه، بو آنهلی قیز جسدی بوگون ایرتهلب هرات حوزهیی کسلخانهسیگه کیلتیریلگن.
هرات پولیس سوزلاوچیسی عبدالرووف احمدی هم خبرنی تأیید قیلیب ایتیشیچه، قاتل حادثه ییردن قاچیشگه موفق بولگن و مجرمنی قولگه آلیش تیکشیروولری باشلنگن.
هرات حوزهیی کسلخانه رسمیلری نینگ معلوم قیلیشلریچه، بو ایکی جسد قوشیمچه شو ییل باشله نیشیدن حاضرگه قدر هراتده بیش کیشی عایلهوی خشونتلر قربانی بولگن.
