بغلان ولایتی نینگ ولایتی کینگش اعضالری، مدنی فعاللر و قوم یاش اولوغلری عبدالحی نعمتی نی بغلان ینگی والیسی حیثیده معرفی ایتیلیشیگه قرشی حکومتدن یاش و ایشگه یرهیدیگن کادرلرنی یوباریشینی ایسته گنلر، بولمهگنده، بغلان طالبلر قولیگه سقوط قیلیشی ممکن. اولرنینگ ایتیشلریچه، جناب نعمتی یاشینی کورگن و ولایتنی اداره قیله آلمهیدی.
بغلان ولایتی کینگش اورین باسری محبوبالله غفاری نینگ سلاموطندارگه ایتیشیچه، بغلاننی یاش و ایش بیلرمان ییگیتلرگه نیازی بار. او، بغلان امنیتی وضعیتی تشویشلی بولگن و جناب نعمتی ولایت نی اداره قیلیشگه توانی قالمهگن دیدی.
شونینگدیک قوم یاش اولوغلری حکومت دن ولایتگه خدمت قیلیشگه کوچی ایته دیگن بیر شخصنی معرفی قیلیشینی طلب قیلگنلر. مملکت بویلب قولیدن ایش کیلهدیگن یاش کادرلر آز ایمس و اولرگه فرصت بیریلیشی لازم دیگنلر.
محلی ادارهلر سوزلاوچیسی منیره یوسفزاده نینگ سلاموطندارگه ایتیشیچه، کلیدی پستلر جملهدن ولایت مقامیگه ایتیش معیارلریدن بیری خلق حمایتی بولگن.
نیچه پیت آلدین بغلان امنیتی وضعیتی یمان بولیشی بیلن حکومت والی و ولایت پولیس باشلیغینی ایشدن آلگن ایدی.
