.jpg)
بدخشان محلی رسمیلری و بیرلشگن ملتلر تشکیلاتینینگ بنگیوار مادهلر گه قرشی کورهش دفتر مسووللرینینگ ایتیشیچه، اوتکن ییلگه قرگنده کوکنار رواجلنتیریش ایکی برابر کوپهیگن.
بیرلشگن ملتلر تشکیلاتی(UNODC) نینگ بدخشان ولایتیدهگی بنگیوار مادهلر گه قرشی کورهش دفترینینگ هماهنگ ایتیش مسوولی محمدحسین جلیلینینگ سلاموطندارگه ایتیشیچه، ناتینچلیکلر و مسوولسیز قورالی کیشیلرنینگ کوچلی بولگنی باعث کوکنار رواجلنتیریش ایکی برابر کوپهیگن.
جلیلی گه کوره، مسوولسیز گروه لر فعالیتی چکهسیده ناتینچلیک کوپهیشی و بنگیوار مادهلر گه قرشی کورهش خصوصیده حکومتنینگ جدیتی بولمهگنی کوکنارنینگ رواجلهنیشیگه سبب بولگن.
.jpg)
بدخشان ولایتی بنگیوار مادهلر گه قرشی کورهش اداره باشلیغی محمدقاید افندینینگ بو خبرنی تصدیقلب ایتیشیچه، اوچ آی آلدن کوکنار ایکیش مذکور ولایت ده صفر بولگن ایدی، بیراق ناتینچلیکلر و بنگیوار مادهلر گه قرشی کورهش قانونینینگ عملی بولمهگنی سبب کوکنار ایکیلیش رقمی یوقاری کیتگن.
بدخشان پولیس قومندانی محمدصابر آریننینگ ایتیشیچه، مذکور ولایتده طالبلرنی تمویل قیلهدیگن بیرینچی منبع کوکنار دیر و اونینگ ایتیشیچه، کوکنار نی نابود قیلیش لایحه مذکور ولایت قطار تومنلریده باشلنگن.
بدخشان ولایتی بنگیوار مادهلر گه قرشی کورهش اداره رسمیلرینینگ ایتیشیچه، اون کوندن بویان کوکنار ایکینزارلرینی نابود قیلیش بدخشان ولایتنینگ قطار تومنلریگه باشلهنیب و حاضرگهقدر 200 هکتار ییر کوکنار بتهلریدن تازهلنگن.
