بغلان ولایتی نهرین تومنی نینگ قطار قوم یاش اولوغلری، ولسواللیکده ارباب رمضان ناملی زوروان شخصلریدن بیری 3 مینگ خانهدان فایدهلهنیب دیگن تازه ایچیملیک سوو جریانینی بیر آیدن بیر باغلب قویگن دیدیلر.
بوندن اون ییل آلدین ولایت قیشلاقلرنی رواجلنتیریش ریاستی تامانیدن ولسواللیک نینگ توهشخ و کهنه شهرنینگ بغلک منقطهسیده قوریلگن تازه ایچیملیک سوو ترماغیدن هنوزگچه 3مینگ خانهدان فایدهلهنیب کیلگن لیگینی ایتگن تومن اهالیسی.
نهرین تومنی نینگ یشاووچیلریدن بیری محمدگل، حاضرگی کونده بیر بشکه سوونی «100افغانی» ساتیب آلیب ایچیشلرینی تیلگه آلگن.
موضوعنی تصدیق ایتگن نهرین ولسواللیگی نینگ حاکمی فضلالدین مرادی، مسالهگه دخلدار ایکّی تامان بیلن اوچرهشگن لیگینی ایتگن. اونگه کوره، ترماق نینگ سووی تیز ارهده جاری ایتیلهدی.
نهرین محلی ادارهسی نینگ مسووللری، اوتگن ییل هم مذکور خانهدانلر ایچهدیگن سوو آقیمی ارباب رمضان آرقهلی باغلنگن لیگینی ایتگنلر.
بغلان مملکت شمالیده جایلشگن نابرقرار ولایتلردن حسابلنهدی. ولایتده دولت قوراللی مخالفلریدن علاوه باشقه بیر قنچه ناقانونی قوراللنگن گروهلرهم فعالیت آلیب باریشی ایتیلهدی. ناقانونی قوراللنگن شخصلر اوغیرلیک، قتل، زوروانلیک، آدم اوغیرلش، باج آلیش و دولت ییرلرینی تارتیب آلیشگه عیبلنگنلر.
