.jpg)
بیرلشگن ملتلر تشکیلاتینینگ قاچقینلیک ادارهسی مسؤوللرینینگ ایتیشیچه، قوروقچیلیک و اوروش باعث، قاچقینلر و بدرغهلرنینگ میزانی آشگن.
بیرلشگن ملتلر تشکیلاتینینگ قاچقینلیک ادارهسینی ییریک مرتبهلی رسمیلری، ایکی کونلیک سفر جریانیده قاچقینلر و بدرغهلرنینگ وضعیتینی تیکشیریش اوچون افغانستان کیلگن ایکنلر، بوگون قولگه کیریتگن معلوماتلرینی ارایه قیلگن. اوشبو بلند مرتبهلی رسمیلرنینگ ایتیشیچه، قاچقینلر و بدرغهلرگه انسان دوستلیک یاردملر کوپراق بیریلیشی لازم.
قاچقینلیک تشکیلاتینینگ شاشلینچ حالتده انسان دوستلیک یاردملرنی اویغونلشتیرووچی عمومی باشلیغی مارک لاوکاک نینگ ایتیشیچه، افغانستاندهگی اوروش، قوروقچیلیک و ترقیات بولمهگنی قاچقینلیک و بدرغهلیککه سبب بولگن.
جناب لاوکاک نینگ اورغولشیچه، پاکستان، ایران و باشقه مملکتلردن افغانستان قاچقینلرینینگ قیتیشی اختیاری بولیشی کیرهک.
لاوکاک نینگ ایتیشیچه، افغانستان دولتی قاچقینلر و بدرغهلر اوچون یخشی استراتیژیلر توزهتگن و بو استراتیژیلر تیزلیککه عمل گه آشیریلیشی درکار.
شونینگدیک، بیرلشگن ملتلر تشکیلاتینینگ باش پناه ایزلاوچیلر ایشلری بوییچه یوکسک کمیشنری فیلیپو گراندینینگ ایتیشیچه، امنیتی کوچلر و طالبلرنینگ آرهسیده یوز بیرهدیگن آتیشمه، اوروش، ناتینچلیک، کمبغللیک کینگهییشی، ایش سیزلیک و ترقیاتسیزلیک باعث، افغانستان یشاوچیلریدن کوپینچهسی منطقهلریدن بدرغه بولیب یا-ده باشقه مملکتلرگه قاچقین بولگن.
.jpg)
جناب گراندی گه کوره، ایچکی بدرغهلرنینگ قیینچیلیگی اوچون اساسی ییچیم یول تاپیلمهگن صورتده، تینچلیک تأمینلنمهیدی.
گراندینینگ کوپهیتیریشیچه، اوشبو تشکیلات بدرغهلر و قاچقینلرنینگ قیینچیلیکلری حل ایتیلیشی اوچون 130 میلیون دالرلیک یاردم توپلهگن و بو مبلغ قاچقینلر و بدرغهلرنینگ ساغلیک، اورگهتیش و تربیهلش و باشقه اساسی نیازلری اوچون صرفلنهدی.
بیرلشگن ملتلر تشکیلاتینینگ قاچقینلیک ایشلری بوییچه ادارهسی (UNHCR) و مذکور تشکیلاتنینگ انسانی ایشلر بوییچه اویغونلیک ادارهسینینگ (OCHA) قوشمه اعلامیهسیده یازیلیشیچه، افغانستان یشاوچیلریدن 4.2 میلیون کیشی آتیشمهلر، باش پناهسیزلیک و طبیعی آفتلر جملهدن دواملی قوروقچیلیک باعث، تیزلیککه انسانی یاردملرگه نیازلری بار و شونینگدیک، باشقه افغانستان یشاوچیلریدن 8.7 میلیون کیشی کمبغللیک، ایشسیزلیک کوپهیگنی و آب و هوا وضعیتی اوزگرگنی سبب، معیشتلرینی قولدن بیرگنی سبب، انسانی یاردملرگه احتیاج دیر.
بیرلشگن ملتلر تشکیلاتینینگ قاچقینلیک ایشلری بوییچه ادارهسی، افغانستانده یاردم ییتکزووچیلرنینگ جانی تهدیدگه بولگنی توغریسیده اشاره قیلیب ایتیشیچه، جاری ییل افغانستانده یاردم ییتکزووچی ملازملردن 23 تهسی هلاک ایتیلگن و شونینگدیک، اولردن باشقه اونلرچهسی اوغیرلنیب یا-ده تهدید ایتیلگن.
