غور ولایتینینگ اوزاق تومنلریدن مینگلرچه عایله اوروش، قومی قرهمه قرشیلیکلر و قورغاقچیلیک باعث، اوی و جایلرینی ترک قیلیب و مذکور ولایت مرکزی فیروزکوه شهری گه آواره بولیب کیلگنلر.
سلاموطندارگه صحبت بیرگن آوارهلردن بیرقطارینینگ ایتیشیچه، یاردم ییتکزووچی ادارهلر تامانیدن ترقهتیلهدیگن یاردملر جریانیده عدالتسیزلیک بولهدی.
اولرگه کوره، یاردملر نیازی بولمهگن آدملر یا-ده نفوذلی کیشیلرنینگ عایله اعضالریگه بیریلهدی.
آوارهلرنینگ ایتیشیچه، نیچه مرته عریضهلری و ایستکلرینی محلی و یاردم ییتکزووچی ادارهلرنینگ مسؤوللریگه ییتکیزگنلر؛ بیراق کیمسه اولرنینگ ایستکلریگه دقت قیلمهگن.
عینحالده، غور حاکمی سوزلاوچیسی عبدالحی خطیبی اوشبو ولایت بدرغهلری نینگ وظعیتی نی خواطرلیدیب ایتیشیچه، یاردم بیروچی ادارهلر همکارلیگی بیلن اوروش و طبیعی حادثهلر باعث آواره بولگن 6 مینگ عایله گه یارم بیریش اوچون حرکت قیلهدیلر.
شوندی بیرحالده، غورده مهاجرلر و باش پناه ایزلاوچیلری ادارهسی باشلیغی عبدالرووف غفوری اوشبو ادعالرنی رد قیلیب ایتیشیچه، یاردم بیروچی ادارهلر همکارلیگی بیلن یالغیز اوروشدن بدرغه بولگن کیشیلرگه یاردم بیرهدیلر.
اونینگ ایتیشیچه، جاری ییل جریانیده 2 مینگدن آرتیق آوارهلرگه نقدی یاردم بیریلگن.
غوری محلی مسئولریگه کوره، خلقارا ییگولیک تشکیلاتی یا-ده WFP اوشبو ولایتده 30مینگ دن آرتیق بدرغه عایلهلرگه آذیق-آوقت یاردم بیرگن.
