پنجشیر ولایتی نینگ محلی مسؤوللری، اوشبو ولایتده بیر متخصص، بیر داکتر و 9 ساغلیک خادمی کرونا ویروس گه چلینگنیدن خبر بیرگن.
اولرنینگ ایتیشیچه، حاضرده ساغلیک خادملری قرنطین ده بولگنی اوچون اوشبو ولایت نینگ ساغلیک مرکزی داکتر کملیگی گه روپهره بولگن.
بوگون «سهشنبه، 16- ثور» خبری بیر ییغینده پنجشیر حاکمی کمالالدین نظامی نینگ ایتیشیچه، داکترلر و ساغلیک خادملری کرونا ویروس گه چلینگنی باعث، اوشبو ولایت یشاوچیلری و کسللری ساغلیک خذمتلری خصوصیده، کوپینچه قیینچیلیککه روپهره بولیشگن.
پنجشیر حاکمی و ساغلیقنی سقلش ریاست مسؤوللری نینگ ایتیشلریچه، بو موضوع ساغلیقنی سقلش وزیرلیگی بیلن شریک قیلینگن، لیکن حاضرگهقدر جواب بیریلمهگن.
پنجشیر رسمیلری ساغلیقنی سقلش وزیرلیگی نینگ مسؤوللریدن تیزلیک که مذکور ولایت گه داکتر و ساغلیک خادملری یوباریشینی سورهگن.
ساغلیقنی سقلش وزیرلیگی تامانیدن بیریلگن رقم اساسیده، مملکت ده کرونا ویروس گه چلینگنلرنینگ سانی 3224 کیشی گه ییتیشگن و بو آرهدن 250 تهسی ساغلیک خادمی بولگن.
