مملکت هندو مذهبلری کوپ ییللردن بویان باشقه یشاوچیلرنینگ یانیده حیات کیچیرهدیلر. اولر ایریم دورهلرده کوپینچه قیناقلیکلر و زورهوانلیکلرنی تحمل قیلگنلر و شونینگدیک ییر لری قطار زروهوان کیشیلر تامانیدن غصب قیلینگن.
نیچه آی آلدین جلالآباد شهریده هندو مذهت عایلهلر جمهور رییس بیلن اوچرهشیش اوچون بارهدیگن چاغیده خودکش هجوم گه دوچ کیلیب و نتیجهده اولردن 15 تهسی هلاک ایتیلگن.
بیراق حاضر ننگرهارده هندو مذهب عایلهلردن بیرقطارینینگ ایتیشیچه، نیچه آی آلدین عزیزلرینی قولدن بیرگنی سبب، مذکور ولایت ده باشقه اوزلرینی تینچ حس قیلمهیدلر.
ننگرهار ولایتیده درمسال ملکیتلر باشلیغی حکیم جسبیرسیگ حکیمزاده نینگ ایتیشیچه، هندو مذهبلرگه قرشی خودکش هجوم اویوشتیریلگنی دن سونگ اولر افغانستاننی ترک ایتماقده و بیرقطاری هند کیتگنلر.
شونینگدیک ننگرهارده هندو مذهب عایلهلردن باشقه بیرقطاری امنیتی وضعیت یمانلیگی و ایش سیزلیکدن شکایت قیلهدیلر.
بیراق ننگرهار حاکمی سوزلاوچیسی عطاالله خوگیانی نینگ ایتیشیچه، هندو مذهبلرنینگ اولتیرهدیگن ییرلرینی خوفسیزلیگی تامینلنیشی اوچون امنیتی حوزهلردن بیریگه مسوولیت بیریلگن.
مملکت باش قارهلاوچیلیگی ایکی هفته آلدین هندو مذهبلرگه قرشی اویوشتیریلگن خودکش هجوم تیکشیریلیشی اوچون ننگرهار گه بیر هیأت یوبارگن. عینحالده، ننگرهار محلی مسووللرینینگ ایتیشیچه، مذکور هیأت خودش هجوم توغریسیده بولگن تیکشیروولرینی یکونلنتیریب مرکزگه قیتگن؛ بیراق مذکور هیأت حاضرگهقدر تیکشیروو نتیجهسینی مدیالر بیلن شیرک قیلمهگن.
