مملکت بوییچه ساغلیقنی سقلش وزیرلیگی نینگ ایتیشیچه، اوتگن بیر کیچه-کوندوز ده 11 ولایتده کرونا ویروسی دن باشقه 37 ینگی ایجابی واقعه رویخط گه آلینگن.
بوگون «جمعه، 22- حمل» مذکور وزیرلیک سوزلاوچیسی وحیدالله مایارنینگ ایتیشیچه، اوتگن 24 ساعت ده کابل ده 16 کیشی، هرات ده 8 کیشی، دایکندی ده 2 کیشی، تخار ده 2 کیشی، قندهار ده 2 کیشی، لوگر ده 2 کیشی و بیر-بیر کیشی پروان، غور، بادغیس، بامیان و نیمروز ولایتلریده کرونا ویروسی گه چلینگن.
مملکت ده کرونا ویروسی دن باشقه 37 ینگی ایجابی واقعه رویخط گه آلینیشی بیلن کرونا ویروسی گه چلینگنلرنینگ رقمی 521 کیشی گه ییتیشدی. ساغلیقنی سقلش وزیرلیگی تامانیدن بیریلگن رقملر اساسیده، مملکت ده کرونا ویروسی گه چلینگنلردن 32 تهسی یخشی بولیب و باشقه 15 تهسی جان بیرگن.
شونینگدیک، اوتگن کون ساغلیقنی سقلش وزیری نینگ ایتیشیچه، کرونا ویروسی گه قرشی کورهش اوچون ساغلیقنی سقلش وزیرلیگی نینگ بیر میلیون دن آرتیق محافظتی کیت و 54 میلیون لیتر دن آرتیق ضدعفونی سویوقلیگی گه احتیاجی بار و بولرنی مملکت دن تشقری ده تیارلش امکاندن اوزاق دیر.
ساغلیقنی سقلش وزیری فیروزالدین فیروزنینگ ایتیشیچه، بو وزیرلیک ایچکی شرکتلرنینگ یاردمی بیلن مملکت ده محافظتی کیت ایشلب چیقرووچی بیر ایشخانه ایجاد قیلیش خصوصیده سعی و حرکت قیلهدی.
شونینگدیک، اونینگ کوپهیتیریشیچه، تیزلیککه مملکت ده ضدعفونی سویوقلیک ایشلب چیقریش ایشی باشلنهدی.
مملکت ده کرونا ویروسی کونساین رواجلنیشی باعث، کابل شامل نیچه ولایتده کوندهلیک یوریش چیکلاو تعیین ایتیلگن.
کابل پولیسی اوتگن کون باشکینت ده اهالی نینگ یوریشی توغریسیده جدی تدبیر تعیین قیلدی و شهرنینگ ایریم بولیملرده چِکپاینت ایجاد قیلیب یشاوچیلرنینگ کیلیم و کیتیشی گه توسیق بولگن.
