بوگون "چهارشنبه" تخار محبوسلری بو ولایت قماقخانهسینینگ مدیریگه قرشی اعتراض قیلگنلر. اولرنینگ ادعا قیلیشیچه، تخار قماقخانهسینینگ مدیری دگروال عارف محبوسلردن بیرینی قیناقلب نتیجهده اوشبو محبوسنینگ ساغلیق وضعیتی یمان بولگن.
محبوسلرنینگ ایتیشیچه، قماقخانه مدیری نشئهلیک پیتده اوشبو محبوسنی قیناقلگن.
محبوسلرگه کوره، قماقخانه مدیری اولربیلن یخشی شکلده حرکت قیلمهیدی و پلچرخی قماقخانهسیگه یوباریلیشیگه توسیق بولیش اوچون اولردن پول ایستهیدی.
قماقخانهده قیناققه سالینگن محبوس عبدالخیلنینگ ایتیشیچه، هیچقندی عیبی بولمهگن بیرحالده، قماقخانه مدیری تامانیدن قیناققه سالینگن.
تخار قماقخانهسینینگ مدیری دگروال عارف بو توغریده صحبت قیلیشگه تیار بولمهگن.
عینحالده، تخار حاکمی فضلالله مجددینینگ ایتیشیچه، محبوسلرنینگ اعتراضی سبب، بیر هیأت مذکور قماقخانهگه یوباریلگن.
تخار حاکمینینگ بو خبرنی تصدیقلب ایتیشیچه، بو موضوعنی جدی صورتده، تیکشیرهدیلر.
