افغانستان ایرکین میدیالریدن حمایه قیلووچی اداره (نی) مسؤوللرینینگ ایتیشیچه، میدیالردن بیرقطاری قومی و مذهبی قرهمه قرشیلیکلرگه قول اورهدیلر.
بوگون «دوشنبه» کابلده خبری بیر ییغینده نطق سوزلهگن «نَی» اجرایی باشلیغی عبدالمجیب خلوتگرنینگ ایتیشیچه، میدیالر مملکتدهگی موجود قانون اساسیده فعالیت قیلیشلری کیرهک.
24- جوزا، کیچه تاماندن دشتبرچی منطقهسیده جایلشگن الزهرا مسجدی اوستیگه قوراللی هجومچیلر تامانیدن هجوم اویوشتیریلدی و بو نیچه ساعتلیک هجوم نتیجهسیده 4 کیشی هلاک و باشقه 8 کیشی یرهلنگن ایدی.
جناب خلوتگر اوشبو واقعهگه اشاره قیلیب ایتیشیچه، الزهرا مسجدی اوستیگه اویوشتیریلگن هجوم دیک واقعهلردن بیرقطار میدیالرنینگ خبر بیریشی فتنهچیلیکنی نمایان ایتردی.
اونینگ آگاهلنتیریشیچه، میدیالر قانوننی نظرگه آلمهی و مذهبی فتنهچیلیک اوتیگه اوتین تشلهگن صورتده، افغانستان هم سوریه و عراقنینگ تقدیریگه روپهره بولیشی ممکن.
افغانستان ایرکین میدیالریدن حمایه قیلووچی اداره مسؤوللرینینگ ایتیشیچه، قیلگن ادعالری خصوصیده حجت قولگه کیریتگنلر و تیزلیکده بو میدیالرگه مکتوب یوبارهدیلر و بو موضوع گه دقت قیلینمهگن صورتده، حکومت تامانیدن تیرگاو قیلینهدی.
