غزنی ولایت والیسینینگ سوزلاوچیسی جاوید سالنگی سلاموطندار ترماغیگه، قوراللی طالبلر 9 کیشی یولاوچینی اوغیرلهگنی بارهسیده خبر بیرگن.
حادثه چهارشنبهدن پنج شنبهگه اوترکیچهسی قندهار – کابل عمومی ترانسپورت قتناو یولینینگ ارهلیغیده جایلشگن غزنی ولایتینینگ بابا تومنی ملانوح منطقهسیده یوز بیرگن دیدی جناب سالنگی.
اما، غزنی عالی تینچلیک کینگشینینگ باشلیغی خلیلالله هوتکنینگ سوزلریگه کوره، اوغیرلنگنلر 8 کیشی بولگن. جناب هوتک، جنگری طالبلر اوشبو اوغیرلنگنلرنی اندر تومنینینگ قیشلاغیگه آلیب کیتگنلر دیدی. هنوزگچه اولرنینگ تقدیری بارهسیده معلومات قولده ایمس دیگن جناب هوتک.
شونینگدیک غزنی پولیس قوماندانی جنرال امینالله امرخیل، امنیتی کوچلر بو توغریده معلومات قولگه کیریتگن لیکلرینی تصدیقلب؛ بیراق، هنوزگچه مساله خصوصیده کوپراق معلومات قولده ایمس دیگن.
عینحالده، عصیانچی طالبلر سهشنبه کونی 11 کیشی یولاوچینی غزنی ولایتیده آتیب اولدیرگن ایدی.
