نیمروز ده بیر ایرکک سابق تورموش اورتاغی نی پچاقلب اولدیریب و قیزی نی یرهلنتیرگن. مذکور صادقه ناملی عیال نیمروز ولایتی نینگ اصلی یشاوچی دیر. مذکور عیال نینگ سابق تورموش اورتاغی نی آتی حسن ایکن و او غور ولایتی یشاوچیسی دیر. بو حادثه اوتگن کون (چهارشنبه ۲۶- سنبله) زرنج شهریده یوزبیرگن.
نیمروز ولایتیدن ایشانچلی محلی بیر منبع نینگ ایتیشیچه، حسن قومی بیر جرگهده سابق تورموش اورتاغی دن قیزی نینگ سرپرستلیک مسئولیتی بوینیگه آلهدیگن بیر چاغده بو حادثه یوزبیرگن.
مذکور محلی منبع آتی فاش ایتیلیشی نی ایستمهی سلاموطندارگه ایتیشیچه، بو قیز آنهسیدن جدا بولیش نی ایستمهیدی ایکن. منبع گه کوره، حسن جرگه جریانیده صادقه نی پچاقلب اولدیرگن و شونینگدیک قیزی نینگ یرهلنتیرگن.
اوشبو منبع نینگ ایتیشیچه، حادثه عاملی محلدن قاچگن و پولیس نینگ تیرگاوی اساسیده، بو ایرکک آلدیندن تورموش اورتاغی نینگ اولدیریش نیتیده ایکن.
نیمروز محلی و امنیتی مسئوللری بو حقده سوزلش اوچون حاضر بولمهگن. بیراق نیمروز ده عیاللر حقوقی فعاللری مذکور حادثه نی تصدیقلب، حادثه عاملی نینگ قاچیشی و عیاللر اولدیریلیش قضیهسی تیکشیریلمهگنیدن خواطر بیلدیریشگن. اولر خوفسیزلیک نهادلردن بو ایرکک تیزلیککه قولگه آلینیشی سورهگن.
عین حالده، بو ولایتده باشقه بیر کیشی اوز سینگلیسی و تورموش اورتاغی نینگ سینگلیسینی اوققه توتیب اولدیرگن.
نیمروز حاکمی نینگ رسانه دفتری سرپرستی بهرام حقمل نینگ ایتیشیچه، مذکور کیشی نینگ آتی احسانالله ایکن و او بوگون ایرتهلب اوشبو ولایت چهاربرجک تومنی نینگ «میرآباد» قیشلاغیده اوز سینگلیسی و تورموش اورتاغی نینگ سینگلیسینی اوققه توتیب اولدیرگن.
مذکور حادثه سببی حاضرگچه بیللی بولمهگن و بو کیشی امنیتی کوچلر آرقهلی قولگه آلینگن.
