افغان-ترک مکتبلرینی اوقووچیلر عایلهلری نینگ ایتیشیچه، حقوقی بیر دلیل بولمسدن دولتگه تیگیشلی بولمهگن بیر ادارهنی باشقه بیر دولت گه تاپشیریش، افغانستان دولتینینگ قبول قیلینگن قانونلریگه قرشی دیر.
افغان-ترک مکتبلرینینگ مدیریتی ترکیه دولتیگه تاپشیریلگنیدن سونگ، اولر ایکینچی مرته جادهلرگه چیقیب، افغانستان و ترکیه حکومتلرینینگ باشلیغلرینی قیلگن ایشلریگه قرشی شعار بیرگنلر.
افغان-ترک مکتبلرینینگ مدیریتی رسمی شکلده ترکیه دولتیگه تاپشیریلدی.
اوشبو قرار اقتصاد، معارف، تشقی ایشلر، عدلیه وزیرلیکلری، خوفسیزلیک کینگشی و ملی خوفسیزلیک ریاستینینگ نمایندهلریدن تشکیل ایتیلگن کمیسیون تامانیدن آلینگن.
اوقووچیلر عایلهوی کمیتهسی اعضالریدن بیرینینگ ایتیشیچه، افغان-ترک مکتبلرینینگ مسؤوللری، اوقووچیلر و اولرنینگ عایلهلرینی قانونی ایستکلریگه دقت قیلینمهگن صورتده، اولر شکایتلرینی قضایی قیلهدی.
اوتگن کون، ترکیه معارف وزیری عصمت یلمازنیگ ایتیشیچه، بوندن سونگ، افغان-ترک مکتبلرینینگ کیفیتی بوندن کوره یوقاری بولیشی ممکن و مکتبلرنی سانی هم کوپهیتیریلهدی.
بیراق، اوشبو مکتبلرنی اوقووچیلریدن بیرقطارینینگ ایتیشیچه، بو مکتب لرنی مدیریتی ترکیه دولتی گه تاپشیریلگنیدن سونگ، افغان-ترک مکتبلرینینگ درس سیستمی افغانستان دولتی مکتبلرینینگ سطحیگه بولیشی توغریسیده هیچ بیر تضمین یوق دیر.
افغان-ترک مکتبلرینینگ اوقووچیلرینی عایلهلریگه کوره، دولت اولرنینگ ایستکلریگه دقت قیلمه گونگهقدر، ناراضیلیک و ییغینلریگه دوام بیرهدیلر.
