.jpg)
داکترلرگه کوره، ییر آستیدهگی تازه و افلاسلنگن سوولر بیر ییرگه ییغیلهدی. اوشبو سوولر قودوقلر آرقهلی چیقاریلیب استعمال بولیشی تورلی کسللیکلرنی وجودگه کیلتیرهدی دیدی شفاکارلر.
عامه ساغلیق متخصصی دکتر میروزیس آریا، یامغیر و آرتیق سوولر ییغیلیشیدن وجودگه کیله دیگن حوزچهلردهگی سوو ترکیبیده آغیر فلزلر تولید بولیب، بو فلزلر ایسه عصبی سیستم اینیقسه سرطان کسللیگینی وجودگه کیلتیرهدی دیگن.
کابل و باشقه ییریک شهرلرده کانالزاسیون ترماغی بولمهگنلیگی سبب افلاسلنگن سوولر بیر ییرگه ییغیلیشی یشاووچیلرنینگ کته قیینچیلیکلریدن حسابلنهدی. افغانستان نینگ ییریک شهرلریده افلاسلنگن سوولرنی معیین ییرگه ییغیلیشی اوچون هیچ قندهی انیق بیر سیستم یوق. بو قیینچیلیک ایسه یشاووچیلرنینگ کته تشویشگه قالدیرگن.
پایتخت یشاووچیلریدن بیری خلیلالرحمان امید، کابل خیابانلریده اریغلر بولمهگنی ییریک مشکللرنی اورتگه چیقارهدی دیگن. درست شکلده اریغلر بولمهگنی قیشده اهالینی یوللرده تورلی معمالر بیلن دوچار ایتهدی دیدی بو کابللیک. اونینگ سوزلریگه کوره، یازده چیقیندیلر همده اریغلرده ییغیلیب قالگن افلاس سوولرنی ایسیسی انسانلر اوچون کته تهدید سنلهلهدی.
بو قیین چلیکلرنینگ یانیده بعضی عیالهلرنینگ فاضلابی هم زمانوی شکلده قوریلمهگنی باعث افلاسلنگن سوولر ییر آستیده سوولرگه باریب قوشیلهدی. جناب امید، حکومتدن اطراف محیط تازه سقلهنیشی اوچون جدی اعتبار قرهتیشنی سورهگن.
قندهار، هرات، بلخ و ننگرهار ولایتی نینگ یشاووچلری هم بو معمادن ییراق ده قالمهگن. قندهارلیک خانم فرشته پوپلزینینگ سلاموطندارگه ایتیشیچه، ولایتده کانالزاسیون ترماغی بولمهگنی باعث خلق ییل اوتیشی بیلن کته قیینچیلیکلرگه دوچار بولهدیلر.
.jpg)
شهر قوریش وزیرلیگی نینگ کانالزاسیون واطراف محیطنی تازه سقلش ادارهسی نینگ باشلیغی ریاض درمل، کونده فقط 21 % سوو تازهلنهدی دیگن.
جناب درمل، کابلدهگی افلاسلنگن سوولر قیته ایشلب چیقاریلیشی اوچون حکومت تورت میلیون دالرده ترماق قورهدی دیگن. افلاس سوونی تازهلاووچی اوشبو ترماق کابل نینگ خیر خانه منطقهسیده قوریلیشی ایتیلهدی. شونینگدیک بو تصفیهخانه آرقلی فاضلابلردن ایکینچیلیک اوچون کیمیاوی مواد هم ایشلب چیقاریلیشی نظرده توتیلگن دیگن جناب درمل. اونینگ سوزلریگه کوره، حکومت کیلگوسی بیش ییلده هرات، قندهار و مزارشریف شهرلریده ییریک تصفیهخانهلر قورهدی.
شهر قوریش زویرلیگی کانالزاسیون و اطراف محیطنی تازه سقلش ریاستی نینگ باشلیغی، افغانستان هنوز منتظم کانالزاسیون ترماققه ایگه ایمس دیدی. ریاض درمل، حتی کابل شهریدهگی ییریک همده نیچه قبتلی اویلر هم کانالزاسیون ترماغی اساسیده قوریلمهگن دیگن.
یشش محیط متخصصی بشیر دودیال، نابرقرار ولایتلرنینگ یشاووچیلری یشش اوی جایلرینی ترک قیلیب کابل کبی ییریک شهرلرگه کیلیشی و جمعیت سانی آشیب باره یاتگن بیر پیتده کانالزاسیون ترماغینی تاسیس قیلیش آسان ایش ایمس دیگن.
دنیا دولتلرینینگ افغانستان حکومتیگه کورستگن میلیاردلب دالریگه قرهمهی، حکومت بو بولیمده بوتونلهی ناکام دیدی دودیال.
