افغانستان عیاللرینینگ منطقهیی ترماغینی ینگی تدقیقاتی گه کوره، میلادی 2017- ییلده افغانستانده ایچکی بدرغهلرنی رقمی 1.2 میلیون کیشیدن آرتیق بولگن. اوشبو تدقیقات اساسیده، ناتینچلیک و کمبغللیک یانیده اقلیم اوزگریشی هم قاچقینلیککه سبب بولگن و بو آرهده، اقلیمی قاچقینلیکلردن کوپلب عیاللر و بالهلر زیان کورگن.
افغانستان عیاللرینینگ منطقهیی ترماغی تامانیدن اوتکزیلگن تدقیقات نتیجهسینی ارایه ایتیش ییغینده ملی بیرلیک حکومت اجراییه باشلیغی عبدالله عبدالله نینگ ایتیشیچه، سونگی ییللرده ایریم طبیعی حادثهلر یانیده، قوروقچیلیک هم اقلیمی قاچقینلیکلرگه سبب بولگن.
افغانستان عیاللرینینگ منطقهیی ترماغینی اعضاسی حمیرا ثاقب نینگ ایتیشیچه، ایچکی قاچقینلیکلرده عیاللر ساغلیک و روحی قیینچیلیکلر و شخصی خوفسیزلیکدن محروملیککه قوشیمچه، جنسی قیینچیلیککه هم روپهره بولگنلر. خانم ثاقب گه کوره، عیاللردن کوپینچهسی اساسی نیازلری اینیقسه ییگولیک آذیق-آوقت دن هم محروم قالگنلر.
افغانستان عیاللرینینگ منطقهیی ترماغینی تدقیقاتی اساسیده، حاضرگی اساسی قیینچیلیکلردن بیری، اقلیمی بدرغهلرنینگ قیینچیلیکلری بیلن کورهشیش خصوصیده، اوزاق مدتلی ییچیم یوللر یوقلیگی دیر.
