مملکت شمال شرقیده قوراللی طالبلر حاکمیتی کینگهیگنی و خبرچیلرگه قرشی امنیتی تهدیدلر میزانی آشگنیگه قوشیمچه، تخار ولایتیده عالملر کینگشی میدیا فعاللرینی آگاهلنتیریب، یایینلرینی مذهبی قیلمهگن صورتده، فرخندهنینگ تقدیریگه دوچار قیلیشلرینی ایتگن.
میدیا یوتوقی و تکنالوژی خصوصیده یولگه قوییلگن ییغینده سوزگه چیقگن تخار ولایتینینگ عالملر کینگشی باشلیغی مولوی عبدالصمدنینگ ولایت محلی رسمیلری و میدیا فعاللریدن بیرقطاریگه ایتیشیچه، قطار میدیا اخلاقسیزلیک لایحهلرنی ترقهتیب خلق تویغوسینی اویغانتیرهدی.
افغانستان ایرکین میدیالریدن حمایت ایتووچی تشکیلات (نی) باشلیغی صدیقالله توحیدینینگ بوتوغریده ایتیشیچه، مملکت میدیالری قانون اساسیده فعالیت قیلهدی و میدیا معیارسیزلیگی توغریسیده هیچ بیر ادعا تَن آلینمهیدی.
جناب توحیدی تخار ولایتینینگ محلی رسمیلریدن تنقید قیلیب ایتیشیچه، سوز ایرکینلیگی و میدیا فعالیتیگه قرشیلیک کورستهدیگن کیشیلرگه رخصت بیریلمسلیگی کیرهک. اونینگ کوپهیتیریشیچه، هیچ بیر اداره، یا- ده هیچ بیر کیشی ناقونی شکلده میدیا فعالیتینی توسهآلمهیدی.
شونینگدیک، مذکور ولایت والیسینینگ سوزلاوچیسی سنتالله تیمورنینگ سلاموطندارگه ایتیشیچه، تخار محلی حکومتی میدیا فعاللری و خبرچیلرنینگ خوفسیزلیگینی تأمینلش اوچون هیچ قچان بیفرق یاندهشمهیدی و هیچ بیر کیشی میدیاگه قرشی فعالیت قیلهآلمهیدی.
بیراق، فرخندهنینگ قتلیدن ایسلش باشقه بیر موضوع بولیب میدیا فعاللریدن بیرقطارینینگ قرشیلیگیگه روپهره بولگن. بو توغریده فعال عیالردن بیری سیلی غفارنینگ ایتیشیچه، مذکور واقعه توغریسیده سوزلش فخرلهنیش، انسانیت و عیال مقامیگه اهانت قیلیش معناسیده بولگن.
28 یاشیده بولگن فرخنده ناملی عیال اوتگن ییلنی سونگی کونلریده، کابل شهرینینگ مرکزی جمهورلیک سرایی یقینیده، قرآنکریمنی کویدیریشگه عیبلنیب، قطار اَچیقلنگن کیشیلر تامانیدن رحمسیزلیکده اولدیریلدی.
