لوگر یشاوچیلریدن بیرقطاری نینگ ایتیشیچه، مذکور ولایت نینگ پولیس قومندانلیگی و ولایت بناسینی 100 مترلیگیده دولتی ییرلرنی غصب قیلیش دوام ایتماقده، بیراق حاضرگچه اوشبو ییرلر غصب قیلینمهسی توغریسیده هیچ بیر ایش قیلینمهگن.
لوگر مرکزی پلعلم یشاوچیلریدن 2 کیشی لطفالله استانکزی و بلال نیکزادنینگ سلاموطندارگه ایتیشیچه، ییرلرنی غصب قیلیشده خوفسیزلیک رسمیلری و دولتی مأمورلردن بیرقطاری نینگ قولی بار.
اولرگه کوره، مذکور کیشیلر هر کون پلعلم شهری نینگ غربیده جایلشگن میرابدال تاغینی اطرافیدهگی دولتی ییرلرنی غصب قیلیب و اختیاری شکلده اوی قورهدیلر.
اولرنینگ کوپهیتیریشیچه، محمدآغه تومنیده هم دولتی ییرلر کینگ شکلده غصب ایتیلگن.
عین حالده، لوگر ولایت کینگشی باشلیغی حسیبالله استانکزی نینگ ایتیشیچه، پلعلم شهری نینگ غربیده جایلشگن میرابدال منطقهسیده کوپینچه ییرلرنی زوروانلر غصب قیلگن و بو ییرلرده بنا قوریش ایشلری دوام ایتماقده.
اونگه کوره، اولر بو قیینچیلیکنی نیچه مرته حکومت بیلن شریک قیلگن، بیراق حکومت حاضرگچه بو موضوع توغریسیده هیچ بیر ایش قیلمهگن.
شو توغریده…
خوست ایکینچیلیک ریاستینینگ 11 مینگ جریب ییری غصب بولگن
خالد اسد «ییر غصب قیلیش و بایومتریک اسکونهسیدن سوءاستعمال قیلیشگه» عیبلنگن
قبرستان اوچون حکمی صادر قیلینگن ییرلر غصب ایتیلگن
لوگر ولایت کینگشی باشلیغی نینگ ایتیشیچه، غصب ایتیلگن منطقهلر پلعلم شهری نینگ رواجلنتیریش و تفریحی ساحهلریگه تیگیشلی بولهدی و محلی مسؤوللرنینگ ظرفیتسیزلیگی باعث، غصب ایتیلگن.
عین حالده، لوگر حاکمی سوزلاوچیسی شمشاد لاروی، مذکور ولایتده دولتی ییرلر غصب قیلینیشیده حکومتی مسؤوللرنینگ قولی بارلیگینی رد قیلیب ایتیشیچه، بو ییرلر اوتمیش ده غصب ایتیلگن و شونینگدیک، ییر غصب قیلووچیلردن بیرقطاری نینگ دوسیهلری قارهلاوچلیککه یوباریلگن.
شونینگدیک، لوگر پولیس قومندانلیگی سوزلاوچیسی شاپور احمدزی نینگ ایتیشیچه، دولتی ییرلر غصب قیلینیشی گه توسیق بولیش مذکور اداره نینگ بیرینچی ایشلریدن دیر و دولتی ییرلرده اوی و سوداگرلیک مارکیتلر قوریش اوچون کیمسه گه رخصت بیریلمهدی.
افغانستان ییر بوتونلیک ادارهسی تامانیدن بیریلگن معلومات اساسیده، کابل و لوگر شامل مملکت بویلب کمیده 3 میلیون جریب ییر غصب ایتیلگن.
