سلاموطندارگه صحبت بیرگن سرپل پولیس قومندانلیگی سوزلاوچیسی نورآغا فیضی نینگ ایتیشیچه، طالبان گروهی سرپل ولایتی نینگ کوهستانات تومنی دوکاندارلری نینگ ییگولیک مادهلری و باشقه نرسهلرینی دینگیزگه تشلهگن و طالبان گروهی نینگ بو ایشی محل یشاوچیلری نینگ اعتراضی گه سبب بولگن.
سرپل پولیس قومنداللیگی سوزلاوچیسی گه کوره، اعتراضچیلر سرپل ولایتی نینگ کوهستانات تومنی اوچون طالبان تامانیدن ناملنگن ولسوال ملا منصورنینگ موتری گه هجوم قیلیشگن و بو گروه نینگ ایکی موترینی بوزیشگن و نتیجهده طالبان نینگ عکسالعملی گه دوچ کیلگن.
جناب فیضی نینگ کوپهیتیریشیچه، اعتراضچیلرگه قرشی طالبان تامانیدن بولگن آتیشمه نتیجهسیده 2 تینچ اهالی هلاک و باشقه 4 کیشی یرهلنگن.
سرپل ولایتی نینگ کوهستانات تومنی یشاوچیلریدن بیرقطاری نینگ ایتیشیچه، طالبان گروهی مذکور تومن یشاوچیلری گه اقتصادی تحریم تعیین قیلیب و بو تومن گه ییگولیک ماده و باشقه نرسهلر انتقال بیریلیشی گه توسیق بولگن.
اولرگه کوره، طالبان گروهی سرپل مرکزیدن دوکاندارلر تامانیدن آلیب کیلینهدیگن ییگولیک ماده و باشقه نرسهلرنی دینگیزگه تشلب و اعتراضچیلرنی اوققه توتگن.
بیراق، طالبان گروهی سوزلاوچیلریدن بیری قاری یوسف احمدی، بو توغریده تیکشیروولر باشلنگنیدن خبر بیرگن.
