بغلان محلی رسمیلری، مذکور ولایتده 13 کانچی نینگ هلاک ایتیلیشیدن خبر بیرگنلر.
بغلان ولایتی نینگ تاله و برفک تومن حاکمی فیض محمد امیری سلام وطندار بیلن اوتگزگن صحبتیده، تاله وبرفک تومنی نینگ انار دره منطقهسیده (اش پشته) کانی نینگ 23 ایشچیسی یوک موتری بیلن ناتانیش کیشیلر تامانیدن نشانگه آلینگن دیدی.
اونگه کوره، اوتگن کون یوز بیرگن حادثه ده 13 کانچی اولدیریلیب و باشقه 5 ته سی یرهلنتیریلگن.
تاله وبرفک حاکمی، مذکور کانچیلردن 5 تهسی حادثه ییریدن قاچیشگه موفق بولگن دیگن.
جناب امیری، هزاره قومیگه منسوب مذکور کانچیلر داعش تودهسی آرقهلی اولدیریلگن بولیشی ممکن دیدی.
بیراق حاضرگه قدر، حادثه مسوولیتینی هیچ کیم ذمهسیگه آلمه گن.
