غور ولایتیده طالبان گروهی بیر کیشی نینگ بو گروه نی اوروشلریگه قرشی اعتراض بیلدیرگنی باعث، صحرایی محکمهده شلاقلهگنیدن سونگ، قیتهدن تورموش اورتاغی بیلن نکاح قیلگن.
غور ولایت کینگشی اعضاسی عبدالبصیر قادری نینگ ایتیشیچه، فیروزکوه شهری گه یقین منطقه اهالیسی بولگن مذکور کیشی سونگی پیتلرده طالبان گروهی نینگ اوروشلری و بو گروه تامانیدن تینچ اهالی و حربیلر اولدیریلیشینی قارهلگن ایکن.
قادری نینگ ایتیشیچه، مذکور کیشی نینگ بیاناتی بیر مُخبر آرقلی طالبان گه انتقال بیریلگن.
اونگه کوره، طالبان اعتراضچی کیشی نی قولگه آلیب و صحرایی بیر محکمه آرقلی دُرهلگن و کیین ایسه اونینگ قیتهدن تورموش اورتاغی بیلن نکاح قیلگن.
شو توغریده:
- فاریاب ولایتیده بیر ایرککوقیز «تلفونی علاقه» باعث صحرایی محکمه قیلینگن
سرپل؛ بیر عیال صحرایی محکمه قیلینگن
کابلده 5 کیشی صحرایی محکمه قیلینگن
_Copy2.jpg)
ولایتی کینگش نینگ اوشبو اعضاسی گه کوره «طالبلرنینگ ایشانچی اساسیده، بیرار کیشی اولرنینگ اعضاسی یا-ده اوروشی نی قارهلگن حالده، اسلام دن تشقری چیقیب مرتد بولهدی و شو یوزهدن مذکور کیشی نینگ تورموش اورتاغی بیلن نکاحی بیکار بولهدی.»
محل یشاوچیلری نینگ ایتیشیچه، بو حادثه فیروز کوه شهری نینگ «زرتلی» منطقهسیده یوزبیرگن.
اولرنینگ ایتیشیچه، طالبان اعتراضچی کیشی نینگ قتیق قیناقلب جزالنتیرگن.
غور محلی مسئوللری و خوفسیزلیک رسمیلری بو توغریده فکر بیلدیرمهگن.
شونینگدیک طالبان حاضرگچه بو حقده هیچ بیر نرسه دیمهگن.
