تخار ولایتی دین عالملر کینگشی نینگ باشلیغی ابوطیب عبدالصمد محمد، اسلام دین قرهشیدن قیزلرنینگ سپورت قیلیشی اسلام ده تعقیق لنگن دیگن.
بو فتوا اوچون قرآن و حدیثدن حجت کیلتیرمگه اوشبو دین عالمی، هیچ بیر منبع ده قیزلر سپورتی حقیده صحبت بولمهگن دیب انه شو باعث سپورت خاتین – قیزلر وچون تعقیق لنگن دیگن.
تخار ولایتی نینگ دین عالملر کینگشی باشلیغی، قیزلرنینگ سپورت قیلیشی علمی نقطه نظردن تعقیق لنگنلیگی نینگ بیرینچی مثالی «قیزلیگی» اورتهدن کیتهدی دیگن.
فتواسینی آقیلیش اوچون حکایهنی تیله آلگن بو دین عالمی، « بیر مسلمان بیلن کافر اورتهسیده مسلمانلر عیاللر یاپینیشی اوستیده بحث بولگن، مسلمان شخص ادعاسینی اثباتلش اوچون ایکی چاکلیت، بیری آچیق و ینه بیری ایسه اورهلگن حالده ییرگه تشلنهگن و کافر کیشیدن قیسی بیرینی آلهسن دیب سوره گن؟ کافر ایسه: اورلگن نی دیگن.
انه شو ترتیب اساسیده مسلمان شخص بیزنینگ عیاللرنی کثیف قیلمنگلر دیگن!» اونینگ سوزلریگه کوره: « الله تعالی عیاللر آیاغی آستیده بهشتنی آچگن و اولر ایسه بو قدریتگه بها بیریشی ضرور»
تخارلیک فعال عیال شیما علم سروش، دین عالملر کینگشی باشلیغی نینگ بو قبیل سوزلرینی افغانستان جمعیتیده خاتین – قیزلر قرشیسیگه بولگن سیستماتیک ستمی و قانونی حکمی یوق دیگن.
خانم سروش، سپورت ساغلیق نقطه نظردن برچه اوچون فایدهلی و اسلام دینی ایسه علمی نرسهلرگه قرشی ایمس دیگن.
اوشبو مدنی فعالگه کوره، جمعیتدهگی ایرکک سالارلیک عیاللر قدریتینی جنسی مسالهلرگه باغلیب اویگه چیکلنتیریب قویگن.
بو مساله هیچ اسلامگه قرهشلی ایمس دیگن. شونینگدیک خانم سروش، مملکتده دین عالملری قیلیشی اوچون کوپ ایشلر بار دیدی.
بوندن آلدین هم تخار ولایتی نینگ دین عالملر کینگشی «چومیلیش» نی تخارلیک خاتینلر اوچون تعقیق لنسین دییه حکم صادر قیلگن ایدی.
