هرات حج و اوقاف ریاست مسئوللری، بو شهرده مذکور اداره نینگ امر باالمعروف و نهی عن المنکر گروهی فعالیت گه باشلهگنیدن خبر بیریب ایتیشلریچه، اوشبو گروه اوچ کوندن بویان فعالیت گه باشلهگن.
هرات حج و اوقاف ریاست باشلیغی عبدالخالق حقانی نینگ سلاموطندارگه ایتیشیچه، حج و اوقاف نینگ امر باالمعروف و نهی عن المنکر گروهی اوتمیش دن تشکیلات گه بار ایدی، بیراق ییترلیچه فعالیت قیلمهگن ایکن.
اونگه کوره، امر باالمعروف و نهی عن المنکر گروهی نینگ اوچ اعضاسی بار کیم بولر هرات شهری نینگ بوتون بولیملریدن نظارت قیلهدی. اونینگ کوپهیتیریشیچه، بو گروه «منکرلر» نینگ هدایت قیلیش گه مسئولیتی بار و کیرهک بولگنده پولیس دن یاردم سورهیدی.
اونینگ ایشانچی گه کوره، مملکت میدیالریدن قطاری، اسلام نینگ بویروقلریگه قرشی برنامهلرنی نشر قیلیب و ییگیتلرنینگ یولدن چیقارهدی.
او، شونینگدیک کسل عیاللر ایرکک داکترلرگه مراجعت قیلیشیدن شکایت قیلیب و ایتیشیچه، عیاللر سنوگرافی معاینهلری اوچون ایرکک داکترلرگه مراجعت قیلمهیشی کیرهک.
هرات ده امر باالمعروف و نهی عن المنکر گروهی فعالیت گه باشلهگنی، بو ولایت یشاوچیلری نینگ جدی عکسالعمللریگه روپهرو بولگن.
هرات یشاوچیلری سلاموطندار بیلن صحبت اوتکزیب ایتیشلریچه، بو گروه نینگ فعالیتی طالبلرنینگ حضوری اوچون زمینه یرهتیش دیر. اولرنینگ ایشانچی گه کوره، هرات حج و اوقاف ریاستی نینگ بو ایشی بنیادگرالیک نی کینگهیتیرهدی.
هرات معلومات و مدنیت ریاست باشلیغی آریا رووفیان نینگ ایتیشیچه، میدیالرنینگ نشراتی نی تیکشیریش و نظارت قیلیش بو اداره نینگ ایشی دیر و رسانهلرگه چیکلاو یرهتیش اوچون کیمسه نینگ حقی یوق.
شونینگدیک میدیالر و میدیالردن حمایت قیلووچی نهادلردن قطاری هرات حج و اوقاف ریاست باشلیغی نینگ بیاناتی گه عکسالعمل بیلدیریب ایتیشلریچه، رسانهلرنینگ ایشی گه چیکلاو یرهتیش اوچون هیچ اداره نینگ حقی یوق.
