.jpg)
زابل، ارزگان، هلمند، فراه و نیمروز ولایتلریدن قندهار شهری گه آواره بولیب کیلگنلردن بیرقطارینینگ ایتیشیچه، یامان وضعیتده حیات کیچیرهدیلر و ساووق موسوم ییتیب کیلیشی بیلن قیینچیلیکلری کوپهیگن.
قندهارده جایلشگن آوارهلر حکومتدن منطقهلریده خوفسیزلیک تأمین ایتیلیشی یا-ده مذکور ولایتده اولر اوچون امکانیت یرهتیلیشینی سورهگن.
قندهار حاکمینینگ اورین باسری آقالالی دستگیری، آوارهلرنینگ قیینچیلیکلرینی تَن آلیب ایتیشیچه، اولرنینگ ایستکلری عملگه آشیریلهدی.
.jpg)
قندهار حاکمینینگ اورین باسری گه کوره، اوتگن آی جریانیده یاردم بیرووچی ادارهلر 500 دن آرتیق آواره عایله گه ییگولیک ماده و باشقه نرسهلر ترقهتگن.
قندهار محلی مسؤوللری، آوارهلرگه یاردم بیریلیشی اوچون سعی و حرکتلر دوام قیلهیاتگنینی بیلدیرگن، بیراق آوارهلردن بیرقطارینینگ ایتیشیچه، حاضرگچه اولرنینگ ایستکلریگه اونچهلیک دقت قیلینمهگن.
