افغانستانده اونلرچه زوروان، تانیقلی سیمالر و دولت ایشلاوچیلریدن بیرقطاری، صلاحیتلریدن فایدهلنیب میلیونلرچه افغانی برق پولینی توللمهگنلر.
اوشبو زوروانلر ایریم پیتلر برشنا شرکتی ایشلاوچیلرینی کلتکلگنلر.
برشنا شرکتی مسؤوللری نینگ ایتیشیچه، ایرتهدن سونگ «برق زوروانلرینی فاش ایتیش» نامیده مذکور اداره دن قرضدار کیشیلرنینگ کیملیکلرینی فاش قیلیش کمپاینی باشلنهدی.
بوگون «سهشنبه» کابلده خبری ییغین اوتکزگن برشنا شرکتی باشلیغی امانالله غالب نینگ ایتیشیچه، اولر زوروانلرنینگ آلدیده بولگن برشنا پولینی توپلش اوچون ینگی طریقهنی قولگه آلگنلر و اونگه اساس، هر کون برشنا شرکتی قرضدارلریدن بیری نینگ بوتون کیملیگینی نشر قیلینهدی.
جناب غالب نینگ کوپهیتیریشیچه، برشنا قرضدارلری کیملیگی نی فاش قیلیش نیچه وقت آلدین میدیایی بولدی و بو ایش باعث، قرضدارلردن بیرقطاری کمیده 1.6 میلیارد افغانینی برشناگه توللگنلر.
جناب غالب گه کوره، حکومت بو جریاندن حمایت قیلهدی و شونینگدیک، بو شرکت کیلهجک هفته باش قارهلاوچیلیک بیلن کیلیشوو امضاءلیدی.
برشنا شرکتی باشلیغی، خصوصی بولیم بیلن 10 شرطنامهده قول قوییش چاغیده ایتیشیچه، برشنا شرکتی حکومت تامانیدن بیریلگن سوزلرنی نظرگه آلیب و ایچکی صناعتدن حمایت قیلیب بیرینچی مرته خصوصی شرکتلر بیلن بو شرطنامهلرگه قول قویهدی و اوشبو شرطنامهلرنی توپلم ارزشی 350 میلیون افغانی گه ییتیشهدی.
عین حالده، برشنا شرکتی مسؤوللری نینگ ایتیشیچه، قویاش 1398- ییل اداغیگهقدر 65 میلیارد افغانی ارزشی گه اونلرچه پروژه شرطنامهسی امضاءلنیشی گه قرار قیلینگن و بو پروژهلرنی پولی برشنا، آسیا ترقیات بانکی و دنیا بانکی تامانیدن توللنهدی.
شو توغریده…
برشنا ایشلاوچیلریدن 14 تهسی طالبلر تامانیدن اوغیرلنگن
