افغانستان حکومتی بیر یریم دههدن بویان مملکت یشاوچیلری اوچون مناسب اوقیش گه زمینه یرهتیش اوچون سعی و حرکت قیلهدی. بیراق، شونچه سعی و حرکت گه قرهمهی، حاضرگهقدر اوزاق منطقهلرده اوقووچیلردن کوپینچهسی اوقیش امکانیتی دن محروم، یا-ده شهرلرگه نسبتن اوقیش امکانیتی گه آز قول تاپهدی. بونده باشقه، ایریم منطقهلرده ناتینچلیکلر باعث، کوپینچه مکتبلر یاپیلگن.
یاش اوقووچی 22 یاشر بصیره هرات ولایتینینگ اوزاق ده بولگن کشک رباط سنگی تومنیده یشهیدی. او، اوزاق منطقهلرده مسلکی اوقیشلر اوچون مناسب زمینه یرهتیلمهگنیدن شکایت قیلهدی و بونگه قوشیمچه ایتیشیچه، تومنلرنینگ کوپینچه اوقووچیلری اقتصادی قیینچیلیکلر باعث، شهرلرنینگ مرکزلریده کانکور سیناوی اوچون تیارگرلیک آلینهدیگن صنفلرده اشتراک قیله آلمهیدیلر و اولردن کوپینچهسی، 12- صنف نی بیتتیرگنیدن سونگ، اوقیشنی ترک قیلهدیلر.
عین حالده، خانم بصیره کیلهجگی گه امید بیلدیرهدی، چونکه او، آلتی آیدن بویان کشک رباط سنگی تومنیده افغانستان مدنی جماعهچیلیک ترماقلر مؤسسهسی تامانیدن یولگه قوییلگن کانکور سیناوی اوچون تیارگرلیک آلینهدیگن صنفلرده درس اوقیدی.
بصیره کانکور سیناوی اوچون تیاگرلیک آلیشی یانیده، اوقیش خصوصیده قطار قوشنیلری و عایله اعضالریگه هم یاردم بیرهدی. او، بو ایشی دن خرسند کورینهدی.
لیکن، هرات ولایتینینگ بیر آز ناتینچ و اوزاق ده بولگن تومنلریدن بیری کشک رباط سنگی تومنیده کانکور سیناوی اوچون تیارگرلیک آلیش صنفلریده یالغیز بصیره درس اوقیمهیدی؛ بلکیم بو صنفلرده باشقه 120 یاش اوغیل و قیز درس اوقیدیلر و شونینگدیک، عایله اعضالری و یقینلریگه درس بیرهدیلر.
مذکور تومنده یاش خانملردن باشقه بیری انیسگل نوری هم یشهیدی. او، کانکور سیناوی اوچون تیارگرلیک آلیشی یانیده، انگلیسی و پشتو تیللرینی هم یخشی اورگنگن.
انیسگل صنف ده استادی گه یاردم بیریشی گه قوشیمچه، اویده هم عایله اعضالری و یقینلری اوچون تیل اورگهنیش صنفلری یولگه قویگن.
کشک رباط سنگی تومنیده یاشلردن باشقه بیری محمدکاظم، بو ییل 12- صنف دن فارغ بولگن و حاضر کانکور سیناوی اوچون تیارگرلیک آلهدی. او، ساینسی مضونلرنی یخشی بیر شکلده اورگهنیشی گه قوشیمچه، باشقه دوستلری و یقینلرینینگ درسی قیینچیلیکلرینی هم حل قیلهدی.
کشک رباط سنگی تومنیده اوقووچیلرگه ساینسی، انگلیسی و کمپیوتر مضمونلری درس بیرگن اوقیتووچیلردن بیرقطاری، طلبهلری نینگ یوتوقلریدن خرسندلیک بیلدیریب ایتیشیچه، اوقووچیلر کانکور سیناوی اوچون تیارگرلیک آلیشلری یانیده، یشش محیط و منطقهلریگه هم منفعت ییتکیزگن.
اوقیتووچیلردن 2 کیشی انجنیر فیروز و غلام جیلانی نینگ ایتیشیچه، بیزلرنینگ طلبه لریمیزدن بیرقطاری، کمپیوتر و باشقه مضمونلر توغریسیده هیچ نرسه بیلمس ایدیلر؛ لیکن حاضر ییترلیچه تعلیمات آلگن لر.
عین حالده، هرات ولایتی نینگ کشک رباط سنگی تومنیده کانکور سیناوی اوچون تیارگرلیک آلیش صنف لرینی نظارت قیلووچی و افغانستان مدنی جماعه چیلیک ترماغی اعضاسی حمیدرضا ظاهر، اوشبو تعلیمات برنامه سی یولگه قوییلیشی دن مقصد، ایریم قیین چیلیک لر باعث، شهرگه باریب اوقیش دن فایده لنه آلمه گن اوقووچیلرگه یاردم بیریش دییدی.
شونینگدیک، هرات ولایتیده افغانستان مدنی جماعه چیلیک اداره لر ترماغی مسؤولی جواد عمیدنینگ ایتیشیچه، اولر اوزاق منطقه لرده اورگه تیش برنامه لرینی یولگه قوییب، مسلکی تعلیمات امکانیت لریدن محروم قالگن لرگه درس بیریب و عالی اوقوو درگاه لریگه کیریش لری اوچون اولرگه زمینه یره تیش اوچون سعی و حرکت قیله دیلر.
افغانستان مدنی جماعه چیلیک اداره لر ترماغی نینگ مؤسسه سی، کیله جک ییل اوشبو تعلیماتی برنامه لرنی مذکور تومن نینگ تورغندی شهرچه سی اوقووچیلری اوچون یولگه قوییش گه قرار قیلگن.
