سلاموطندار اجتماعی گزارشلری تیزیمیده، دولت و نادولت ادارهلریده جنسی زورهوانلیککه قربان بولگن قطار کیشیلر بیلن صحبت اوتکزگن. اوشبو صحبتلر توپلهمی بیر خاص لایحهگه جایلشتیریلگن. صحبت اوتکزگنلرنینگ برچهسینینگ آتی مستعار دیر؛ بیراق حکایهلر حقیقی.
زهرا: دولتی ادارهلردن بیریده ایش قیلردیم. مذکور ادارهدهگی ایشداشلریمدن بیرقطاری عیال و بیرقطار ایرکک ایدی. ایشچیلرنی یخشی تیکشیریش و باشقریش اوچون، نیچه ایش گروهی تشکیل ایتیلیشیگه قرار قیلیندی. بیزلر هر بیریش اوچون ییغین اوتکزردیک و گروهلریمیز ایچیدهگی ایشلر شونچهلیک یقین بولگن ایدی کیم، توش آوقتینی هم بیرگه ییگیچ ایدیک. گروه اعضالریدن بیری مینگه کوپ قرهب و اطرافیمده یورردی. زمان اوتیشی بیلن بیلدیم که ینه ایشداش صفتیده مینگه قرهمهیدی. دفترده مین بیلن کوپ علاقه قورردی. دفتر تامانیدن بیریلگن تلیفون رقملر بوش ایدی و دایما مینگه زنگ اوریب صحبت قیلردی. مینی بوندهی بیر نرسهلر بیلن قیینچیلیگیم یوق ایدی و کیمسهنی توغریسیده، یمان اویلهمس دیم و قونغیراقلریگه جواب بیریب و قولی صحبت قیلردیم. کونلردن بیر کون مینی یخشی کورهمن دیب و آوقت ییشگه تکلیف قیلدی. مین ایسه کونده دفترده بیرگه آوقت ییشیمیزنی ایتدیم. یوق دیب یالغیز بولیشیمیزنی بیلدیردی. عین حالده مین رد قیلدیم. اوشه کوندن کیین، بو کیشینینگ خلقتی نیچه برابر بولدی. کونلردن بیر کون بیرینچیدن دوست بولیب و بیر- بیراومیزنی یخشی تانیب و بیر مدتدن کیین تورموش قوریشیمیزنی تکلیف قیلدی. مین برچه تکلیفلرینی رد قیلدیم؛ دیمک بیلردیم او تورموش قوریشنی ایستمهدی، بلکیم عیاشلیک قیلیشنی ایستهیدی. بیراق او مینی راحت قویمهی و هر ییرده بولسم اوزینی مینگه ییتکزیب بحث قیلردی. نتیجهده ایشلهیدیگن بولیمدن اوزیمنی اجره تدیم، تلیفون رقمیمنی اوزگرتیریب و اونی فیسبوکده بلاک قیلدیم. حاضر اوندن هیچ بیر خبر یوق؛ بیراق حاضرگچه ینه تاپیلیشیدن قورقهمن.
مردیم: مدنی ایشلرگه جوده هم قیزیقردیم. اجتماعی و ادبی ییغینلرگه اشتراک قیلیب و مدنی حرکتلرگه فعال قتنهشیشنی سیوردیم. هردایم مینی ییغینلرده کورهدیگن کیشیلردن بیری، سیاسی بیر حرکتگه اعضا بولیشیمنی ایستهدی. مین سیناو شکلده مذکور حزبنی بیرینچی ییغینیگه اشتراک قیلدیم. ییغینده عیاللرنی کوپ کوردیم؛ انه شو سبب، حزبنی سونگی ییغینلریده هم قتنهشدیم. کونلردن بیریده حزبنینگ بوردی مینی ایش دفتریگه چقیردی و حزبنینگ اورین باسری صفتیده تعیین ایتیلگنیمنی بیلدیردی. بیلمهدیم نیمه اوچون و قندهی قیلیب تیزلیکده بو پستگه تعیین ایتیلدیم. دیمک خیالیمده یمانلیک اوچون دایما بیر بوشلیک بار ایدی، تکلیفلرینی احتیاط بیلن قبول قیلدیم. کونلردن بیریده حزب باشلیغی، مذکر دفترده کیلگن کونیمدن بویان فکرینی چالغیتگنیمنی ایتدی. نیمهگه دیسم، سینی یخشی کورهمن و سینی بیرگهلیک حیات اوچون تنلهدیم دیدی. ایستهیمن دایما بیرگه بولسک. برچه ثروتمنی سینگه تاپشیرهمن دیدی. سوزلریگه قولاق سالدیم؛ بیراق یورهگیمگه قنچهلیک پست بولگنینی اویلردیم. سوزلری یکونلنگنیدن کیین، بو سوزلرنی بیران کیشی تورموش اورتاغینگه ایتسه نیمه قیلهسین دیدیم. صورتی باشقچه بولیب، سیزلر تشقرینی خانمی و مینی تورموش اورتاغیم ایسه اوینی خانمی دیدی. بو گپی باشیمگه یمان تیگدی، اوزی و فکریگه تأسف بیلدیردیم. سونگی مرته مینی کورهسن دیب دفتریدن چقدیم. بیر هفتهگچه کونده قونغیراق قیلردی، بیراق جواب بیرمسدیم، آخرده تلیفون رقمیمنی اوزگرتیردیم.
شیما: مین دولتنینگ اینگ مهم پستلریدن بیریده بستگه تعیین ایتیلمهگن حالده ایش قیلردیم. منظوریم کیلیب و رسمی ایشچی بولیشنی کوتردیم. عین حالده، مذکور بولیمده ایشیم دوام ایتیشیگه اونچهلیک ایشان مسدیم، باشقه ایکی پستگه فورم تولدیرگن ایدیم. او ییرده رسمی ایشچی بولیب ایشلشگه امید قیلردیم. اوشبو پستلردن بیرینی باشلیغی، ایشیمنی ایلگری آلیب باریشینی ایتدی. تلیفون رقمینی مینگه بیریب و توشدن کیین قونغیراق قیلیشیمنی ایتدی. تعیین ایتیلگن زمانده اونگه قونغیراق قیلدیم، او ایرتهگه ینگی شهردهگی دفتریگه چقیریب و سیناوگه کیریش خصوصیده صحبت قیلیشنی ایتدی. جوابیگه مین ایکی کیریش سیناونی اوتکزیب و برچه حجتلریم یکونلنگنینی بیلدیردیم. قیسقهسی شو گپیگه قولاق سالمهی دفتریگه بارمهدیم. بیراق باشلیغ هر کون مینگه قونغیراق قیلیب و بیر مرته دفتریگه کیلیشیمنی ایتردی. یقیندن کورگنیمده عجایب بیر شکلده باشدن آیاغیمگچه قرهب و خصوصی حیاتیم توغریسیده سورهدی. مین اوندن یمانیم کیلگنی اوچون جوابینی بیریب اوزیمنی رد قیلردیم. کونلردن بیر کون ایشداشلریمگه شیما ینه دفترگه کیلمهسین دیگن ایکن؛ دیمک اونینگ فکریگه کوره، او مذکور ادارهده ایش شرایطیگه ماس ایمس ایکن.
