ساغلیقنی سقلش وزیرلیگی نینگ اعلان قیلیشیچه، اوتگن بیر کیچه و کندوز ده مملکت 13 ولایتیده کرونا ویروسیدن باشقه 684 ینگی ایجابی واقعه قید ایتیلگن.
ساغلیقنی سقلش وزیرلیگی گه کوره، اوتگن 24 ساعت جریانیده کرونا ویروسیدن 393 ینگی ایجابی واقعه کابل، 96 واقعه هرات، 95 واقعه ننگرهار، 25 واقعه نیمروز، 18 واقعه کنر، 13 واقعه قندهار، 12 واقعه فراه، 8 واقعه قندوز، 7 واقعه ارزگان، 6 بادغیس، 4 واقعه زابل، 4 واقعه بدخشان و باشقه 3 واقعه پروان ولایتیده رویخط گه آلینگن.
کرونا ویروسیدن اوشبو ینگی ایجابی واقعهلر شامل مملکت بوییچه بو ویروسیگه چلینگنلرنینگ سانی 22143 کیشیگه کوپهیگن.
بوگون "چهارشنبه" ساغلیقنی سقلش وزیرلیگی سرپرستی احمدجواد عثمانی نینگ ایتیشیچه، اوتگن 24 ساعت جریانیده کرونا ویروسیگه چلینگنلردن 21 تهسی دنیا دن اوتیب و باشقه 324 تهسی درمانلنگن دیر.
ساغلیقنی سقلش وزیرلیگی تامانیدن بیریلگن ارقاملرگه کوره، حاضرگهقدر کرونا ویروسیگه چلینگنلردن 405 تهسی جان بیریب و باشقه 2975 تهسی درمانلنگن.
ایتیلیشیچه، حاضرگهقدر بوتون دنیا ده 7 میلیون و 323 مینگ کیشی کرونا ویروسیگه چلینگن و بو جملهدن 4 یوز مینگ دن آرتیق کیشی جان بیریب و باشقه 3 میلیون و 606 مینگ کیشی درمانلنگن دیر.
