رخشانهنی تاش کومدی قیلگن شخص بوندن اوچ کون آلدین ملی خوفسیزلیک ریاستی تامانیدن آزاد ایتیلدی. بوگون غور ولایتیده قطار مدنی فعاللر همده ولایت کینگشی نینگ اعضالری اعتراضلی بیر ییغین اوتکزیب، مولوی سعدییار نینگ قوییب یوباریلیشی، کورینب تورگن قانون شکنلیک دیدیلر.
رسمیلرنینگ سوزلریگه قرهگنده، مولوی سعدییار رخشانهنینگ تاشکومدی قیلیش، 30 تینچ اهالینی اولدیریش، بیش امنیتی عسکر اوستیدن صحرایی محکمه اوتکزیش، «شاتیغ» پوستهسیگه هجوم قیلیش، بوزغینچلیک عمللر و دولت موترلرینی اوغیرلشده قولی بولگن.
اعتراضچیلر، محلی اداره همده عدلی و قضایی ادارهلرنی سعدییار قوییب یوباریلیشی اوچون بی فرق یاندهشگن لیکده عیبلیدیلر. « حکومت بو قیلمیشی بیلن اوز قولی بیلن جنایت کوچهیشیگه زمینه یره تهدی» دیگن فعاللر.
غور ولایتی ولایت کینگشینینگ اورین باسری عبدالبصیر قادری، بوندن آلدین هم اهالی نینگ کتّه قسمی جناب سعدییارنینگ محاکمه بولیشینی طلب قیلگن ایدیلر دیدی. لیکن، حکومت هیچ بیر ایش قیلمهی، بلکه اونی تورمهدن آزاد قیلگن دیگن او.
ولایت والیسی نینگ سوزلاووچیسی عبدالحی خطیبی، مساله ملی خوفسیزلیک باشقرمهسیگه تیگیشلی ایکن لیکینی تیلگه آلگن. اولر موضوع بارهسیده هیچ قندهی دخلدار بولمهگنلر.
بوندن آلدین نیچه بار محلی حکومت رسمیلری ملا سعدییار نینگ داعش بیلن علاقهسی بارلیگینی بیلدیرگن ایدیلر. او، بوندن ایکّی آی آلدین «آپاندیس» کسللیگی بهانهسیده اوزینی ملی کوچلرگه تسلیم بیرگن ایدی. بیراق، دوالنگن دن کیین آزاد بولیب حاضر منطقهسیده حیات کیچیرهدی.
19 یاشر رخشانه بودن بیر ییل آلدین سیوگیسی بیلن اوییدن قاچگنلیککه عیبلهنیب صحراحی محکمه آرقهلی تاش کومدی قیلینگن ایدی.
