.jpg)
کابلده سیاحت قیلیش هواسی باشینگیزگه اورگن حالده، پایتخت کوچهلرینی ایلهنیب چیقسنگیز هر بیر تورت یولده « بقیریش» بیلن شغللنهدیگن بلاغتگه ییتمهگن اونلب گودکنی کوریشگه گواه بولهسیز البته. بلاغتگه ییتمگه بو بالهلر بیر آغیز نان تاپیش اوچون ایرتلبدن کیچگچه فقط بقیرهدی – یو خلاص. بو گودکلر ایرتلب تانگ وقتی بیلن هیداووچیلرگه کومک قیلیب، کیچ قویوق قرانغو شرپهسی تویشیشی بیلن موتر آرقهسیده اولتیریب اوییگه بارهدی.
12-14- یاشر مجتبا و حسیب کابل نینگ پلباغ عمومی منطقهسیده ایش بیلن شغللنهدی. اولر، ایکّی ییلدن بیری منه شو منطقهده موترلرگه یولاووچی تاپیش فعالیتی بیلن آواره لیگینی تیلگه آلهدی. بلاغتگه ییتمهگن بو گودکلرنی کوندهلیک درآمدی ایسه اورتهچه 200 افغانیگه ییتیر ییتمس.
مجتبانینگ حکایهسیگه کوره، آتهسی ایرتلبدن کیچگه قدر قول کراچیسی هیدیدی؛ لیکن عایلهنی باقیش اونینگ درآمدی ییترلی ایمس. تیریک قالیش اوچون مجبوریت یوزهسیدن بو ایشگه بیریلگن لیگینی نالیب تیلگه آلهدی مجتبا. ایندی 12 یاشگه کیریش عرفهسیده تورگن بو گودک، کته اکهسینی ترافیک حادثهده قولدن بیرگن لیگینی ایتهدی. اکهسی بی وقت عالمدن اوتگنی باعث قاره محنت نینگ کولنکهسی ییلگهسیگه کوپراق توشگنلیگینی بیلدیرگن بو صحبتداش.
بیراق، حسیب نینگ وضعیتی مجتبانینگ احولیدن یامانراق. حسیب بیلن بیر بورچکده اولتیریب نیچه دقیقهلیک صحبت دوامیده اونینگ ذهنی اوتگیر و احساسلی باله بولگن لیگینی پیقهدیم. چال آتهسی آغیر ایش قیلیش کوچیگه ایگه بولمهگنی اوچون اویدن تشقریگه چیقمس لیگینی ایتهدی حسیب. باشقه تینگداشلری سینگری بیر آغیز قوروق نان تاپیش مقصدیده (بَقیریش)دن علاوه ایش قیلیش امکانسیزلیگنی تَن آلهدی بو باله. « ایش قیلیشگه مجبورمن، روزغار تیبرهتیش و کیچیک اوکهلریمنی باقیش مقصدیده هر قندهی ایشگه قول اوریشگه تیارمن» دیدی صحبتداش حسیب.
.jpg)
بو ایکّی گودکنی پایتخت کابل نینگ کوچهلریده آغیر ایش بیلن شغللنه دیگن بالهلرنینگ مثالیده اورگندیک. بولر، اقتصادی قیشلاقلیک سبب بالهلیک اویینلریدن هم محروم ایتیلگنلر. بالهلیک اویینلردن محروم ایتیلگن لیکلرینینگ بیرینچی عاملی قشقالیک ایکن لیگینی اوزیلری اعتراف قیلهدی بولر.
قشاقلیک و چارهسیزلیک باعث بلاغتگه ییتمهگن کوز قرهچیغلریمیزنی کابل نینگ کوچه – کوییده آغیر ایشگه بیریلیشیگه طرفدار بولدیک دیدی حسیب و مجتبانینگ خانهدانی. اوشبو عایلهلرنینگ تعبیریچه، ایش تاپیش اوچون حکومت معین لایحه ایشلب چیققنده – ایدی؛ بلاغتگه ییتمهگن هیچ بیر گودک بیر آغیز نان اوچون بوندهی قاره محنتگه بیریلمس ایدیلر. شونینگدیک بو عایلهلر، یاش – ییگیتلرگه ایش شرایطی مهیا بولگن تقدیرده، بلاغتگه ییتمهگن گودکلرینی آغیر ایشدن آلیب بولرنی تعلیم و تربیهسیگه کته اعتبار قرهتیشنی تیلگه آلهدیلر.
افغانستان ایش واجتماعی مسالهلر بوییچه وزیرلیک نینگ سوزلاووچیسی عبدالفتاح عشرت احمدزی، ایشچی بالهلرعایلهسی اوچون دولت هر تامانلمه اوزاق مدتلی لایحه قولگه آلگن و حاضر ایسه بو طرح نینگ کته قسمی کوچگه کیرگن دیدی.
ایش و اجتماعی ایشلر بوییچه وزیرلیک نینگ سوزلاووچیسی، حاضر مملکت بویلب 2 میلیون باله ایش بیلن مشغول بولردن 1.5 میلیونی ایسه آغیر ایشلرگه بیریلگن لیکلرینی اعتراف قیلهدی.
سوز بلاغتگه ییتمهگن گودکلرنینگ اویدن تشقریده آغیر ایش بیلن شغللهنیشلری اوستیده کیتر ایکن بو ایش کیلهجکده اوشبو فرشتهلرنینگ روحیگه قندهی تاثیر قالدیرهدی؟
ساحهنینگ متخصصی سیدروحالله رضوانی، آغیر ایش بالهلرنی کیلهجکده سلبی روح بیلن تربیلهنیشیگه باعث بولیشی اظهار قیلهدی. بو مساله خانهدانلرهمده جمعیتده زوروانلیکلر آرتیشیگه ینه بیر عامل بولهدی دیگن ایشبیلرمانلر. بالهلیک پیتیده بالهلیک اویینلری ینه اورگهنیشدن محروم ایتیلگن بو قتلم کته بولگندن سونگ هم تیریکچیلیککه نسبتن تفاوتسیز یاندهشب ایریم حاللرده ایسه عقده یوزهسیدن ایش کوریشلری ایتیلهدی.
