مجلس اعضالریدن کوپیسی بوگون (دوشنبه) عمومی ییغینده اوزگریش قوزغلانینینگ چادرلریدن انتقاد قیلیب ایتیشلریچه، رمضان مبارک آییگه حرمت قویش و قرار قبول قیلیش اساسیده چادرلرنی کوتاریشلری کیرهک.
بو نمایندهلر، اعتراضچیلر چادرلرینی کوترمه گن تقدیرده باید شهرنینگ بیر چیکهسیگه انتقال بیریب خلققه مزاحمت قیلیشگه نقطه قویسهلر دیگن.
مجلس باشلیغی عبدالروَوف ابراهیمینینگ ایتیشیچه، مجلس مصوبهسی اساسیده تظاهراتچیلر چادرلرینی کوتریشی لازم.
جناب ابراهیمیگه کوره، مجلسنینگ مصوبهسی حتمی، حکومت و اعتراضچیلر بو مصوبهنی عملی قیلیشلری کیرهک.
حکومت بیلن اعتراضچیلر اورتهسیده پیدا بولگن قیینچیلیکلرنی حل ایتیشی اوچون مجلس ۱۱ مادهلیک بیر مصوبه ترتیب قیلدیلر که اوشبو لایحهده امنیتی نهادلرگه اصلاحات کیلتیریش، امنیتی رسمیلرنی ایشدن آلیب محکمه قیلیش و اعتراضچیلر یوزیگه اوق اوزگنلر تانیلیب محکمه بولیشی مذکور ماده اساسی گپلریدن سنلهدی.
اعتراضچیلر و تحصن بیلن تیکیلگن چادرلر باسیمیدن سونگ حکومت هم باشقرلاوچیلیک ادارهسیگه حادثهنی جدی تیکشیریش بویروغینی بیردی.
باشقرهلاوچیلیک ادارهسی هم کابل گارنیزیون قومندانی گلنبی احمدزی و کابل پولیس قومندانی حسنشاه فروغ لرنی ایشدن آلدی.
