بوگون «شنبه» بدخشان و دایکندی ولایتلریده، برقرارلیک و یقیلینک سیلاو تیمی نینگ طرفدارلریدن یوزلرچهسی جمهورلیک ریاست سیلاویده کینگ شکلده ساختهکارلیک یوز بیریب و مهندسلیک قیلنگن دیب ناراضیلیک بیلدیریشگن.
اعتراضچیلرنینگ ایتیشیچه، 300 مینگ بایومتریکسیز آوازنینگ تقدیری بیللی قیلینگونگهقدر، ناراضیلیکلری گه دوام بیرهدی.
اعتراضچیلرنینگ آگاهلنتیریشیچه، ساختهکارلیک اساسیده ایجاد ایتیلهدیگن حکومت گه رخصت بیریشمهیدی.
اوشبو اعتراضچیلر بیر شرطنامه صادر قیلیب سیلاو ایرکین کمیسیونی نینگ آگاهلنتیریشیچه، خلق ایستهگی گه سیلاو کمیسیونی دقت قیلمهگن صورتده، خلق نینگ تنیق آوازلریدن مدافعه قیلیش اوچون هرقندهی ورینت دن فایدهلنهدیلر.
بوگون «شنبه» کابلده خبری بیر ییغین اوتکزگن افغانستان بوییچه اسلامی جمعیت رهبرلیک کینگشی باشلیغی ابراهیم عماد، جمهورلیک ریاست سیلاوی نینگ دستلبکی نتیجهسی اعلان قیلنمهگنیدن تنقید قیلیب ایتیشیچه، سیلاو ایرکین کمیسیونی تیزلیککه سیلاونینگ دستلبکی نتیجهسینی اعلان قیلیشی کیرهک.
جناب عمادگه کوره، سیلاو نتیجهسی تیزلیککه اعلان قیلینمهگنی مملکت نی قیینچیلیککه دوچ قیلهدی.
نمایندهلر کینگشی باشلیغی میررحمان رحمانی نینگ ایتیشیچه، ایرته سیلاو ایرکین کمیسیونی جمهورلیک ریاست سیلاوی نینگ دستلبکی نتیجهسی اعلان ایتیلیشی خصوصیده، افغانستان بوییچه بیرلشگن ملتلر تشکیلاتی نینگ دفتری، نظارتچیلر و سیلاو تیملریدن بیرقطاری بیلن ییغین اوتکزهدی.
جناب رحمانی، بو ییغین سیلاو قیینچیلیگینی حل قیلیشی توغریسیده امید بیلدیرهدی.
عین دمده، اعتراضچی سیلاو تیملری، سیلاو ایرکین کمیسیونی تامانیدن آوازلر قیته سنهلیشی و بایومتریکسیز آوازلرگه اعتبار بیریلیشینی قانون گه قرشی بیلیب و اولرنی بیکار اعلان قیلیشی اوستیگه تأکیدلیدی، بیراق سیلاو ایرکن کمیسیونی نینگ ایتیشیچه، قالگن 7 ولایتده آوازلر قیته سنهلیشی برابریده سیلاو تیملری نینگ قرشیلیکلری دوام ایتگن صورتده، سیلاونینگ دستلبکی نتیجهسینی اعلان قیلهدی.
شو توغریده…
کابلده تینچلیک و اسلامی عدالت سیلاو تیمینینگ طرفدارلری ناراضیلیک بیلدیریشدی
