بوگون "شنبه" هرات مخابرات ادارهسینینگ سرپرستی عزیزالرحمن طیبنینگ بیر ییغین آرقهلی ایتیشیچه، امنیتی تهدیدلر باعث، مذکور ولایت شیندند، پشتون زرغون، اوبه، کشک رباط سنگی، گلران، زنده جان و غوریان تومنلریده مخابراتی آنتنلر کیچه تاماندن کسیلهدی.
جناب طیب نینگ ایتیشیچه، اخیرگی پیتلرده طالبان گروهی اوز هجوملرینی مخابراتی آنتنلر اوستیگه کوپیتیرگن و ینگیلیکده سلام مخابراتی شرکتینینگ بیر آنتنینی تخریب قیلگن.
عینحالده، هرات ولایتی کینگش باشلیغی کامران علی زایینینگ، کیچه تاماندن مخابراتی شرکتلرنینگ فعالیت دن قالیشیدن تنقید قیلیب ایتیشیچه، اوشبو قیینچلیکنی حل قیلیش اوچون سعی و حرکت قیلیش کیرهک.
بیراق هرات حاکمینینگ سوزلاوچیسی جیلانی فرهادنینگ ایتیشیچه، مخابراتی شرکتلر خوفسیزلیگینی تامینلش اوچون امنیتی کوچلر سعی و حرکت قیلهدی.
بیرقطار ادعالرگه کوره، طالبان گروهی، اوز برنامهلرینی عملی قیلیش اوچون کیچه تاماندن مخابراتی شرکتلرنینگ فعالیتلریگه توسیق بولهدی.
