هرات ولایتی نینگ اوبه تومنی یشاوچیسی30 یاشر فاطمه نیچه ییل آلدین یاشینی ییگن بیر قری ایرکک بیلن تورمیشگه زورنلتیریلهدی. شوحاضر اونینگ تورت بالهسی بار.
فاطمه یقینلریدن نفسگل نینگ سلاموطندارگه ایتیشیچه، فاطمه نیچه ییل ایری نینگ کلتکلش حالتلرینی چیدهگن و ایری نینگ عالمدن اوتیشیدن بیری اوگهی اوغلری و ایرینینگ جیهنلری تامانیدن کلتکلنهدی. اونینگ ایتیشیچه، فاطمه کلتکلردن قوتیلیش نیتیده نیچه آی آلدین اوزینی اوبه تومنی نینگ پولیس کوچلریگه تسلیم قیلهدی و پولیس هم اونی هراتدهگی تینچ اویگه یوبارگن.
نفسگل نینگ ایتیشیچه، فاطمه نینگ ایرینی خانهدانی طالبلرگه شکایت قیلگن وطالبلر ایسه فاطمه نینگ خانهدانیگه اونی تینچ اویدن چیقاریب اوشبو گروهگه تسلیم قیلیش بویروغینی بیرگن، فاطمهنی صحرایی محکمه قیلیب باشقه عیاللرگه کوز قیله میز دیگن طالبان گروهی.
اسمی سیر قالیش شرطی بیلن امنیتی منبعلردن بیری نینگ ایتیشیچه، بوندن آلدین هم تینچ اویگه باشپناه ایزلب بارگن عیاللر اوز خانهدانلری تامانیدن یمان وضعیتده اولدیریلگن ایدیلر.
هرات تینچ اوی نینگ مسؤولی ثریا پاکزادنینگ ایتیشیچه، تینچ اویدن چیقیش خانملرنینگ اوز ایستهگی اساسیده بولهدی. اونگه کوره، هیچ بیر کیشی فاطمهنی الدهش و یا زور بیلن تینچ اویدن آلیب چیقالمیدی.
هرات تینچ اوی نینگ رسمیلریگه کوره، تینچ اوینی ترک قیلهدیگن خانملر، محکمه، عیاللر ریاستی و پولیسدن بیر قوشمه هیأت اشتراکیده تضمین اساسیده اجازه بیریلهدی.
هرات ولایتی نینگ عیاللر ریاستی باشلیغی محبوبه جمشیدی نینگ ایتشیچه، خانملر اجازهسی بولمهگن حالده کیشی بولرنی تینچ اویدن آلیب چیقالمیدی. او فاطمه نینگ دوسیهسی جدی تیکشیریلیشیگه تأکید قیلیب کیشیگه اونی تینچ اویدن آلیب چیقیشگه اجازه بیرمسلیکلرینی تیلگه آلگن.
