«کارل پویر» نینگ سوزلریگه کوره، دموکراسی انسانلرنینگ حرکتیگه توسیق بولیب و آلدینی توتهدی و بو ایش نالایق رهبرلرنینگ چیکلهنیشی گه هم نتیجه بیرهدی، بیراق باشقه تاماندن، سیلاو دموکراسینینگ اساسی موضوعلریدن بیری بولیب رسمیلر تعیین ایتیلیشی و مدنی و زورهانلیکلردن اوزاق سیاسی تقدیر تعیین ایتیلیشیگه رول اوینهیدی.
بیراق، افغانستانده سیلاولر رهبر یا-ده حکومت رهبرلری تعیین ایتیلگنیدن سونگ، تینچلیککه تارتیلیب و حرکتلرگه توسیق بولیش و آلدینی آلیش معناسینی قولدن بیرهدی.
لیکن، بو بوتون قیینچیلیک ایمس دیر؛ چونکه افغانستانده بولگن اساسی قیینچیلیک، دموکراتیک جریانلرگه اهالینینگ ایشانچسیزلیگی دیر. سیلاولرگه اهالی ایشانچسیزلیگینی دلیللریدن بیری، اوتمیشلرده تجربه ایتیلگن سیلاولر نتیجهسیزلیگی، سیلاولر فایدهسیدن یخشی بیر شکلده خبرسیزلیک و اجتماعی و سیاسی وضعیت چیگللیککه تارتیلیشی توغریسیدهگی رولی بولیشی ممکن. اوتگن ییللرده بو لایحه توغریسیده اهالینی آگاهلنتیریش اوچون مدنی ادارهلر تامانیدن کوپینچه سعی و حرکتلر بولگن، بیراق حاضر آواز بیرووچیلرنینگ رویخطگه آلیش جریانیده اهالی کینگ شکلده اشتراک قیلمهگنی سیلاولرده اشتراک قیلیش اهمیتی حاضرگه قدر یخشی بیر شکلده سیزیلمه گنینی کورسته دی.
اوشبو کمچیلیکلرنی یخشی بیر شکلده سیزگن (NDCO) آتلی «نوشاخ» رواجلنتیریش و اویغونلیک مؤسسه، بدخشان ولایتی و 4 تومنده ینگیلیکده سیلاولر جریانی و رویخطگه آلیش جریانی گه اشتراک قیلیش اوچون اهالینی ترغیب ایتیش کمپاین باشلهگن.
بدخشانده مدنی فعاللردن بیری و نوشاخ مؤسسهسینی ایش گروهی اعضاسی محمدحسین الهینینگ ایتیشیچه، اولر بو کمپاین ده بیر تاماندن اهالی بیلن دموکراسی و دموکراتیک جریانلر اهمیتی توغریسیده صحبت قیلهدی و باشقه تاماندن، بو جریان گه قندهی بیر شکلده اشتراک قیلیش و دموکراسیدن فایدهلنیشی توغریسیده معلومات بیرهدیلر.
اوشبو کمپایننی یولگه قویگنلردن باشقه بیری نسیمهنینگ ایتیشیچه، سیلاولرده ایرککلردن کوره عیاللر آز اشتراک قیلهدی. شو یوزهدن، حاضرگی کمپاینده سیلاو جریانلریده عیاللرنینگ رولی و اهمیتی توغریسیده، سعی و حرکت قیلینهدی.
بدخشانده نوشاخ مؤسسهسی رسمیلریدن احمداقبال بهدادنینگ ایتیشیچه، اولر اوتگن بیر یریم ییل جریانیده مدنی تعلیمات، مردم سالارلیک صحبتلری و یخشی حکومتدارلیک یانیده، سیلاولرگه تیگیشلی برچه مسئلهلر توغریسیده، اهالی گه ییترلیچه معلومات بیرگن، بیراق آواز بیرووچیلرنینگ رویخطگه آلیش جریانی گه اهالی نینگ علاقهسیزلیگی باعث، اولر بو کمپایننی یولگه قویگن. جناب بهداد گه کوره، بوندهی حالتلرده آیدینلیککه احتیاج بار و بو آیدینلیک شوندهی دوام ایتهدی.
