بامیان محلی رسمیلرینینگ ایتیشیچه، اوتگن کیچه بامیان مرکزی گوروانای منطقهسیده یاش بیر قیز ناتانیش کیشیلر تامانیدن آتیب اولدیریلگن.
اوشبو خبرنی تصدیقلگن بامیان حاکمی سوزلاوچیسی عبدالرحمان احمدی سلاموطندار بیلن اوتکزگن صحبتیده، قتل سببینی عایلهوی زورهوانلیک دیب ایتیشیچه، بو واقعه توغریسیده قتل ایتیلگن قیزنینگ عایله اعضالریدن بیرقطاری قولگه آلینگن.
جناب احمدیگه کوره، دستلبکی تیکشیروو اساسیده، قیزنینگ وجودیگه اوق جاییدن باشقه بیچاق کیسیگی هم کورینهدی. بامیان حاکمی سوزلاوچیسینینگ ایتیشیچه، حادثهنینگ اصلی عامللری قولگه آلینیشی خصوصیده، سعی و حرکت دوام ایتماقده.
بامیان ولایتی کسلخانه باشلیغی داکتر سلیم نیکپینینگ ایتیشیچه، اوق قیزنینگ باشیگه تیککن. بامیان کسلخانهسینینگ مسؤوللریگه کوره، سونگی بیر آی جریانیده اوشبو کسلخانهده تورت عیالنینگ قتلی رویخطگه آلینگن.
شونینگدیک، ایکی هفته آلدین، مذکور منطقهده ناتانیش کیشیلر 20 یاشر بیر قیزنینگ بوینینی کیسگن ایدی.
