مملکت باشقارهلاوچیلیگی نینگ ایتیشیچه، اوتگن قویاش ییل باشلهنیشیدن حاضرگهقدر اوشبو اداره و باشقه دولتی ادارهلرنینگ 50 ایشلاوچیسی اداری فسادگه عیبلنیب قولگه آلینگن.
مملکت باشقارهلاوچیلیگی بیر خبرنامه نشر قیلیب ایتیشیچه، باشقارهلاوچیلیک ریاستی نینگ کنترول و مراقبت عمومی قارهلاوچیلیک ریاستی اوتگن قویاش ییل جریانیده، اداری فسادگه عاید 28 قضیه نی رویخط گه آلیب و تیکشیروودن سونگ، تدقیقات اوچون مسؤول اداره گه یوبارگن.
باشقارهلاوچیلیککه کوره، اوشبو قضیهلر توغریسیده 39 کیشی قولگه آلینگن و بو کیشیلرگه باشقارهلاوچیلیک ریاستی نینگ رئیسلری، قارهلاوچیلری و ایشلاوچیلریدن 24 تهسی و باشقه ادارهلردن 15 کیشی شامل دیر.
شونینگدیک، باشقارهلاوچیلیک ادارهسی نینگ ایتیشیچه، اوشبو اداره نی کنترول و مراقبت عمومی قارهلاوچیلیک ریاستی جاری قویاش ییل نینگ بیرینچی اوچ آیی جریانیده باشقارهلاچیلیک ادارهسی نینگ 7 رئیسی، قارهلاوچیلری و ایشلاوچیلری شامل 11 کیشی و باشقه دولتی ادارهلردن 4 کیشینی 10 اداری فساد جنایت گه عیبلب قولگه آلگن.
