مملکت قاچقینلر ایشلری بوییچه وزیرلیک بلند مرتبهلی رسمیلری، اوروش جریانیده آواره بولگنلر اوچون هیچ قندهی بودجه یوق دیگنلر. مذکوز ویزلیکنینگ رسمیلریگه کوره، وزیرلیکنینگ مسوولیتی آواره بولگنلرنی رویخطگه آلیب، یاردم بیرووچی موسسهلر بیلن اویغونلشتریش دیر.
افغانستان قاچقینلر ایشلری بوییچه وزیری سیدحسین عالمی بلخینینگ بوگون (یکشنبه) کابلده بیر خبری ییغینده ایتیشیچه، «بیز آواره بولگنلرگه ییش اوی و آذیق آوقت بیره آلمهیمیز. قاچقینلر زویرلیگی یالغوز آواره بولگنلرنی رویخطگه آلیب بو ساحهده یاردم کورستهدیگن تشکیلاتلر بیلن هماهنگلیک ایشینی بجرهدی»
جناب بلخینینگ سوزلریگه کوره، قاچقینلر ایشلری بوییچه وزیرلیک تیکشیروولرینی یاردم بیرووچی موسسهلرگه یوبارهدی، لیکن قندوز ولایتیدن آواره بولگنلریگه یاردم کورسهتیش قابلیتی گه ایگه ایمس.
شونینگدیک جناب بلخی، هنوزگچه قندوز ولایتیدن آواره بولیب کابل گه کیلگن 5013 عایله رویخطگه آلینگن بو جلمهدن 339 کمک اوچون حقلی، 49 خانهدان سوء استعمال قیلووچی، 145 عایلهنینگ ایسه اصلا قهییردن لیگی معلوم ایمس.
رسمی ادارهلر تامانیدن ترقهتیلگن حساباتلرده، قندوز ولایتینینگ 20 مینگ عایلهسی اوز یشش جایلریدن آواره بولگن مذکور آواره بولگنلر تخار، بغلان، پنجشیر و کابلده باش پنه ایزلهگنلر.
مهاجرلر وزیریگه کوره، تیکشیرودن آلدین دستلبکی یاردملر حادثهلرگه قرشی کورهشیش ادارهسیگه تیگیشلی بولهدی وتیکشیرودن کیین خلق ارا تشکیلاتلر آواره بولگنلرگه همکارلیک قیلیشگه مجبورلر.
جناب بلخی، حاضر تخار، بلخ، بدخشان و پنچشیر ولایتیدهگی آوارهلرنینگ وضعیتی کنترول آستیگه آلینگن و اولرگه امکان قدر کمک ایتیلگن دیگن. ولی کابلده آواره بولگنلرنینگ معین مکانی بولمهگنی اوچون اولرگه یاردملرنی ترقهتیب بیریش ایریم قیینچلیکلرنی پیدا قیلگنی ایتیلهدی.
اونگه کوره، شاشیلینچ حالتلر کمیتهسینینگ ییغینیده مهاجرلر اوچون نیچه مکان تکلف ایتیلگن ایرتهدن باشلب قندوزدن آواره بولگنلر معین ییرگه جایلشتیریله دیلر. عین حالده، اوتگن کون قندوز ولایتیدن کابلگه آواره بولیب کیلگنلر اعتراض بیلدیریب، حکومت تامانیدن هیچ قندهی یاردم کورسه تیلمهگن لیگینی ایتگن ایدیلر.
