فاریاب ولایتیده کوزدن عاجز کیشیلردن بیرقطاری، یوللریده بولگن قیینچیلیکلردن خواطر بیلدیریب ایتیشیچه، چالینگن قیینچیلیکلری و محرومیتلری یانیده، اورگهتیش و تربیهلشدن هم محروم قالیشگن.
اولرگه کوره، اوشبو جمعیت تیریکچیلیگی قولیلشتیریلیشی اوچون حاضرگهقدر حکومت و مسؤول ادارهلر تامانیدن هیچ بیر ایش قیلینمهگن.
فاریاب ولایتیدهگی کوزدن عاجز کیشیلردن 2 تهسی نظرمحمد و غلام سخی نینگ سلاموطندارگه ایتیشیچه، بو ولایتدهگی کوزدن عاجز کیشیلر هر نرسهدن محروم قالگن جمعیت بولگن و محلی و مرکزی حکومت اورگهتیش و تربیهلش بولیمیده اولرگه هیچ دقت قیلمهگن.
اولرگه کوره، هر بیر مکتب گه شامل بولیش اوچون باش اوریشگن چاغیده، رد جواب ایشیتگنلر.
شونینگدیک، فاریاب ولایتی بوییچه انسان حقوقی ریاستی نینگ سرپرستی حمیدالله عظیمی نینگ ایتیشیچه، اوشبو ولایتده بولگن کوزدن عاجز کیشیلر کوپینچه قیینچیلیکلرگه روپهره بولیب تورگنلر. جناب عظیمی گه کوره، کوزدن عاجز کیشیلر اورگهتیش و تربیهلش گه قول تاپه آلمسلیگی اینگ کته قیینچیلیک بولیب و بو جمعیت اوندن محروم قالگن.
شونینگدیک، فاریاب حاکمی اورین باری عبدالمقیم راسخ، بو ولایتده کوزدن عاجز کیشیلر اوچون حاضرگهقدر هیچ بیر اساسی ایش بولمهگنینی تصدیقلیدی.
عین حالده، 15- اکتوبر آق عصا خلق ارا کونی کوزدن عاجز کیشیلر اورگهتیش و تربیهلش و باشقه اجتماعی حقوقلریگه قول تاپیشلری اوچون تأریخ ده رویخطگه آلینگن.
