بادغیسنینگ یوزلب یشاووچیسی، مدنی فعاللری و ولایت کینگشینینگ اعضالری، مرکزی حکومت بو ولایتگه اعتبار بیرمهگنلیگی باعث ناراضیلیک نمایش اوتکزیب، اوچ کوندن بیری شمال – غرب عمومی قتناو یولینی ترافیک یوزیگه یاپگنلر. شونینگدیک اعتراضچیلر ولایت مقامی ایشیگینی هم باغلهگنلر.
بادغیس عمومی قتناو یولی ایشی قیته باشلهنیشی، ترکمنستاندن کیلتیریلهدیگن دیگن برق لینی قلعهنوگه تارتیلیشی و سوو ترماقلرینی قوریش نمایشچیلرنینگ اساسی ایستکلریدن بولگن.
حکومت بو ایستکلریگه ایجابی جواب بیرمهگن حالده شمال – غرب عمومی یولی همده ولایت مقامی ایشیگینی آچمسلیکلری توغریسیده آگاهلنتیرگنلر.
عین حالده، شمال – غرب عمومی یولیدن قتنیدیگن بیر قنچه هیداوچیلر یول یاپیب قوییلگن لیگیدن تشویش بیلدیر گنلر.
کوپینچه یولاووچیلری کسللردن عبارت بولگن مذکور هیداوچیلر یول ترافیک یوزیگه آچیلمهگن حالده، دوالهنیش اوچون هراتگه آلیب کیلته دیگن کسللر حیاتدن کوز یومیشی ممکن لیگینی تیلگه آلگنلر.
ولایت والیسینینگ سوزلاووچیسی شرافالدین مجدینینگ سلاموطندارگه ایتیشیچه، ولایت والیسی اعتراضچلری نمایندهلری بیلن اوچرهشب ملاقات قیلیشی کوتیلهدی.
سوزلاووچی، بادغیس ولایتی خلقی نینگ قیین چلیکلری توغریسیده فوایدعامه وزیرلیگیگه معلومات بیریلگن لیگینی تیلگه آلگن. شونینگدیک وزیرلیک هم بادغیس عمومی یولی نینگ اسفالت ایشی تیزلیکده باشلهنیشی خصوصیده وعده بیرگن.
